Tag Archive for: monte albertia

Ikasleek bigarren eskuko arropa merkatua jasangarritasunaren eta sormenaren erronka bihurtu dute

/0 Comments/in /by

Iraunkortasuna sustatzeko eta kontsumo arduratsuaren garrantziaz kontzientziatzeko ahaleginean, Irudi Pertsonal eta Korporatiboko Aholkularitzako lehen urteko ikasleek eta Ile-apainketako Estilismo eta Zuzendaritzako bigarren mailako ikasleek erronka sortzailea gauzatu zuten Monte Albertian antolatutako bigarren eskuko merkatutik ateratako arropa erabiliz.

Dagoeneko erabili diren jantziei bizitza berri bat nola eman erakusteko diseinatu zen ekitaldia, moda azkarrak eragindako ingurumen-inpaktua murriztuz. Ikasleek bigarren eskuko merkatu honetan aukera izan zuten eskuragarri zeuden jantziak eta osagarriak berrikusteko, hautatzeko eta jantzi bakar bihurtzeko, eta horrela erronka gauzatzeko.

Proiektuak, parte-hartzaileen sormena nabarmentzeaz gain, baliabideak berrerabiltzeko eta ingurumena gehiago errespetatzen duten praktikak oroitzeko ere balio izan zuen. Erronka horrek erakutsi zigun jasangarritasuna, beharrezkoa ez ezik, dibertigarria eta estilosoa ere izan daitekeela.
Bigarren eskuko merkatua irakasleen eta ikasleen laguntzarekin antolatu zen, eta egoera onean zegoen arropa eman zuten jarduera ahalbidetzeko. Ekitaldiaren amaieran, hautatuak izan ez ziren jantziak beste ekimen batzutarako prest geratu ziren, jardunaldiaren eragin positiboa are gehiago zabalduz.

Horrelako jardueren bidez, ikastetxeak hezkuntza integralarekin duen konpromisoa berresten du, iraunkortasuna, birziklapena eta bere hezkuntza-komunitatearen arteko elkartasuna bezalako balioak bultzatuz.

Zalantzarik al duzu? Ezagutu nahi gaituzu? Jarri gurekin harremanetan

Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

/0 Comments/in , , , /by

«Balanauldien arteo laturak sustatzen»

Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

Jarduera honi esker, ikasleek beren trebetasunak praktikan jartzeaz gain, belaunaldien arteko truke baliotsua ere sustatu dute.

Ikasleek egoiliarrei eskuak edertzea aitzakia hartuta balioetan murgildu ziren generazioen arteko lotura sustatuz. Bertan bizitako elkarrizketa eta maitasun partekatua nabarmentzekoa izan zen. Egoiliarrek erlaxazio- eta ongizate-une batez gozatu zuten, eta ikasleak, aldiz, beren istorioetatik eta bizitza-esperientzietatik ikasteko aukera izan zuten.

123
“Esperientzia aberasgarria izan da bi aldeentzat. Gure teknikak hobetzeaz gain, adinekoei laguntzeko eta entzuteko poza ere sentitu dugu”, adierazi du ikasleetako batek.

Horrelako ekimenek edertasuna giza konexiorako zubia izan daitekeela erakusten dute, belaunaldien arteko elkartasuna eta errespetua sustatuz. Zalantzarik gabe, jarduera honek guztioi utzi digu arrastoa. Itzuliko gara!

Zalantzarik al duzu? Ezagutu nahi gaituzu? Jarri gurekin harremanetan

Irudi Pertsonalaren eta Korporatiboaren Aholkularitzako ikasleak Monte Albertiaren izen aldaketan parte hartu dute

/0 Comments/in , , /by

Irudi Pertsonalaren eta Korporatiboaren Aholkularitzako heziketa-zikloko ikasleek modu aktiboan parte hartzeko aukera izan dute Monte Albertia ikastetxearen izen aldaketako prozesuan. Proiektu hau Ekintzailetza Gelak programaren parte da, Europar Batasunak – NextGeneration EU – finantzatutako ekimena, ikasleengan sormena, berrikuntza eta ekintzailetza sustatzea helburu duena.

Ikasleek Sorland komunikazio agentziarekin lankidetzan lan egin dute, marka sortzen adituak baitira eta identitate korporatiboa garatzeko eta diseinatzeko esperiantzia hau prozesu aberatsa izan da. Hiru saiotan zehar, ikasleek brandingari, irudi korporatiboari eta komunikazio-estrategiei buruzko ezagutzak aplikatu dituzte, ikastetxearen norabide berrian ekarpena eginez.

Lehenengo saioan informazioa lortu eta egoera aztertu zen, eta ikasleek erakundearen nortasuna eta balioak sakon ezagutzeko aukera izan zuten. Bigarren saioan, ikasleek taldean lan egin zuten ikastetxearen funtsa islatuko zuten sormen-proposamenak sortzeko, eta hirugarren eta azken saioan, berriz, marka berria definitu zen, ideia nabarmenenak sendotuz.

Proiektu horri esker, ikasgelan ikasitakoa praktikan jartzeaz gain, erakundeak eraldatzeko eta berritzeko prozesu erreal batean zuzenean parte hartu ahal izan dute ikasleek.

 

Zalantzarik al duzu? Ezagutu nahi gaituzu? Jarri gurekin harremanetan

Monte Albertia |Erasmus+ Bekak

/0 Comments/in /by

Monte Albertia LHIIko ikasle talde bat atzerrira doa praktikaldia egitera Erasmus+ beka baten bidez.

Erdi maila egiten ari diren bost ikaslek Narbonako ile-apainketa eta estetika zentroetan egingo dute praktikaldia, lau astez. Goi mailako beste bederatzi ikasle hiru hilabeterako joango dira Estonia eta Pragara, hango estetika zentroetan eta irudi pertsonaleko enpresetan praktikaldia egitera.

Esperientzia honek, beste herrialde batean bizitzeko, beste hizkuntza bat ikasteko eta beste hiri eta herrialdeetako jendea ezagutzeko aukera emateaz gain, hango enpresetako teknika berriak eta aurreratuak ezagutzeko aukera emango die.

Ziur gaude esperientzia hori ahaztezina izango dela zuen bizitzako garapen pertsonalari dagokionez, eta oso baliagarria izango zaizuela zuen etorkizun profesionalerako. Gozatu aukera honetaz!

Zalantzarik al duzu? Ezagutu nahi gaituzu? Jarri gurekin harremanetan

ZATOZ! Lanbide heziketa eta enplegu azoka

/0 Comments/in /by

«Urola Kosta eta Urola Erdia eskualdeko eskaintza ezagutzeko hitzordua, martxoaren 12an»

  • Goizeko 10:00etatik 17:00ak bitartean Elkarguneko (Azkoitian) aretoan izango da azoka eta Urola Kosta eta Urola Erdiko Lanbide Heziketen zein Garapen Agentzien eta Lanbide – Euskal Enplegu Zerbitzua-ren eskaintza ezagutzeko aukera izango duzue.
  • Azokaren helburu du aipatutako bi eskualdeetako Lanbide Heziketa, enplegurako prestakuntza eta enplegu eragileen eskaintza ezagutaraztea da.

Datorren martxoak 12an, Azkoitiko Elkargunea Lanbide Heziketaren eta Enpleguaren agertoki bilakatuko da, ZATOZ! Lanbide Heziketa eta Enplegu Azoka. Aurtengoan, bigarren edizioa izango da. Aurreko urtean lehen edizioa Zarautzen ospatu zen.

ZATOZ! Azokako irudiak 2024

Azoka hau ere Urola Kosta eta Urola Erdiko Lanbide Heziketako ikastetxeek, Garapen Agentziek eta Lanbide-Euskal Enplegu Zerbitzuak antolatu dute, elkarlanean, talentuaren sorrera, erakartzea eta mantentzea sustatzeko.

Hori horrela, goizean, Lanbide Heziketan interesa duten ikasleek hartuko dute parte, 10:00etatik 14:00etara, eta arratsaldean, berriz, langabe dauden edo lana hobetzekotan ari direnei zuzenduta egongo da, 17:00arte. Bi eskualdeetako Lanbide Heziketen zein Garapen Agentzien eta Lanbide-Enplegu Zerbitzuak eskaintza ezagutzeko aukera egongo da. Horretarako 8 eragile desberdin egongo direlarik.

Azoka herritar orori irekia izango da, horrenbestez, langabezian daudenak, lanean ari direnak edota informazio gehiago eskuratu nahi duten pertsonak gertura daitezke, gazte, heldu zein gurasoak.

ZATOZ! Azokako irudiak 2024

Gazteen parte-hartzea bermatuta

Urola Erdiko eta Urola Kostako DBH eta Batxilergoko ikasleak goizean zehar gerturatuko dira ; horretarako ikastetxeekin koordinazio lanak egin dira txandak eskainiz. Hori horrela, azokatik ia 600 gazte pasatzea aurreikusten da (Antoniano Ikastetxea, Azkoitia BHI, Floreaga Salestar Ikastetxea, Ikasberri Azpeitiko Ikastola, Iraurgi Ikastetxea, La Salle Ikastetxea, Lizardi BHI, Orioko Herri Ikastola, Oteitza Lizeo Politeknikoa, Salbatore Mitxelena Ikastola, Zaragueta Herri Eskola, Zumaiena Ikastetxea, Zumaia BHI, Urola BHI).

 

Langile edo-ta lan bila dabiltzanentzat Etengabeko Prestakuntza Zerbitzua eta ikastaro eta lan eskaintza aukerak. 

Era berean, azokan bertan etengabeko prestakuntzarako aholkularitza jaso ahal izango da. Bertan, Lanbideko ziurtagiriak eskuratzeko, Konpetentzien aitorpena egiteko, ikastaro ezberdinen eta lan eskaintzen informazioa jaso ahal izango da.

ZATOZ! Azokako irudiak 2024

Azokako parte-hartzaileak

  • Iraurgi Berritzen Urola Erdiko Garapen eta Berrikuntza Agentzia
  • Urola Kostako Udal Elkarteko Garapen Agentzia
  • Lanbide- Euskal Enplegu Zerbitzua
  • Monte Albertia LHII
  • Oteitza Lizeo Politeknikoa
  • Zumaia BHI
  • Oinarrizko Lanbide Heziketa: soldadura
  • Izarraitz Lanbide Heziketa LHII
  • Aiala Sukaldaritza ikastetxea

Informazio gehiagorako

Maialen Ituarte Alustiza

Email: enpleguzentroa@iraurgiberritzen.eus

Telf.: 943 85 11 00

Zalantzarik al duzu? Ezagutu nahi gaituzu? Jarri gurekin harremanetan

San Sebastián eguna

/0 Comments/in , , /by

Gure ikastetxeko erdi mailako Ile-apainketako  taldeekin Azpeitian izan gara San Sebastian eguneko haurren danborradarako apainketa lanak egiten udaletxeko aretoan. Inklusibitatea eta partaide guztiek apaintzeko aukera berdinak izateko helburuarekin sortu da ekintza hau Azpeitiko Udalarekin, Iraurgi Ikastetxearekin, Karmelo Etxegarai Ikastolarekin, Azpeitiko Ikastola Ikasberrirekin, Azpeitiko Musika Eskolarekin eta Itsasi Dantza Taldearekin elkarlanean.

Zalantzarik al duzu? Ezagutu nahi gaituzu? Jarri gurekin harremanetan

Eusko Skill lehiaketarako, ile-apaintzaile onenak aukeratzeko trebetasun froga!

/0 Comments/in /by

CIFP Monte Albertia LHII ikastetxean, izandako jarduera zirraragarri bat partekatu nahi dugu zuekin: Eusko Skill lehiaketarako, ile-apaintzaile onenak aukeratzeko trebetasun froga!

Gure 13 ikasle trebeak, euren sormena, teknika eta ile-apainketarako grina erakutsi zuten. Bakoitzak bere abilezia eta estilo berezia erakusteko aukera izan zuen, eta izugarri ondo egin zuten!

Ileapainketako eta aholkularitzako irakasleak osatutako 8 epaileek, xehetasun guztiak baloratu zituzten. Ile-apaindegiko froba honetan, 13 ikasleek hartu dute parte, horietaik 4 aukeratuko dira eta Eusko Skill lehiaketa ospetsuan parte hartuko dute, CIfP Monte Albertia LHIIko ileapainketako arloa ordezkatzen. Aukera paregabea talentua azaleraleratzeko eta publiko zabalago bati erakusteko!

 

Zalantzarik al duzu? Ezagutu nahi gaituzu? Jarri gurekin harremanetan

Monte Albertiako ikasleak motxila laranja ihes kalean Zarautzen

/0 Comments/in , /by

Irudi Pertsonalaren eta Korporatiboaren Aholkularitzako 2. mailako ikasleek Sorginlore eta Ikertze elkarteek, Zarauzko kale eta dendetan zehar, antolatutako “Escape Street” bat prestatzen eta egiten lagundu dute.

Elkarte horiek hezkidetza landu, eta gazteen inklusioa eta enplegagarritasuna errazten dute. Balio hauek gure ikastetxearen nortasuna izanik.

Escape Street, Motxila Laranja, urriaren 2tik 4ra bitartean ospatu da. Ikastetxeko ikasle guztiek parte hartu dute, eta jardueraren gaia harreman osasungarriak izan dira.

Zalantzarik al duzu? Ezagutu nahi gaituzu? Jarri gurekin harremanetan

Santa Ana de Zarautz Egoitza

/0 Comments/in , /by

Ile-apainketako erdi mailako ikasleak Zarauzko Santa Ana egoitzan izan dira bertako egoiliarrei eskuetako tratamenduak egiten, egoiliarrekin harremanak sendotzeko asmoz.

 

 

Monte Albertia eta Osamen, balioak lantzen

/0 Comments/in /by

Monte Albertian, ikasgeletatik eta entrenamenduetatik haratago, lankidetzaren magian eta gure komunitateari egindako ekarpenean sinesten dugu.

Ile-apainketako ikasleen proiektu berria, Osamen errehabilitazio psikosozialeko zentroarekin lankidetzan burutua, gure trebetasunek besteen bizitzan eragin positiboa izan dezaketela erakusten duen testigantza da.

Ile-apainketako ikasleek beren denbora eta talentua eskaini diete Osamen zentroko kideei aukerako lanak egiteko. Ile-mozketa modernoetatik hasi eta kolore-aldaketa sortzaile eta orrazkera dotoreetaraino, zerbitzu bakoitza maitasunez eta dedikazioz eman zen. Baina guraizeez eta eskuilez haratago, benetan sortu zena inklusio eta elkarrekiko estimu giro berezia izan zen.

Jardunaldia esperientzia estetiko bat izateaz gain, benetako konexioak eraikitzeko aukera ere izan zen. Ikasleek eta Osameneko kideek barreak eta istorioak partekatu zituzten, eta, garrantzitsuena, etorkizuneko topaketetarako planak eraiki zituzten. Interakzio hori ile-apaindegiaren azaleratik haratago doa, eta giza konexioaren eta inklusioaren garrantziaren oroigarri gisa balio du.

Lankidetza horren alderdirik nabarmenena ez da soilik kanpoko irudia aldatzea, baizik eta gure ikasleei funtsezko balioak lantzeko eman zien aukera. Enpatia, pazientzia eta irekitasuna esperientzia paregabe horretan landu ziren, ile-apainketa arte estetikoa ez ezik garapen pertsonal eta sozialerako plataforma ere badela erakutsiz.

Monte Albertian, ikasgelaren mugak gainditzen dituzten ekimenak ospatu eta babesten ditugu, eta harro gaude gure ile-apaindegiko ikasleekin, Osamen zentroan egin duten lan bikainagatik. Proiektu honek, kanpoaldea edertzeaz gain, bihotzak ukitu zituen eta marka iraunkor bat utzi zuen bi aldeetan. Gure ikasle talentudunen proiektu esanguratsu eta enpatiko gehiagoren hasiera besterik ez da!