Añarbeko urak bisitatzen

/0 Comments/in , , /by

Ile-apainketa eta kosmetika  erdi-mailako heziketa-zikloko lehen mailako ikasleak Monte Albertiatik Añarbeko presa bisitatzera joan dira. Añarbeko presak edateko ura hornitzen du,  Donostia, Errenteria, Hernani, Lasarte-Oria, Pasaia, Oiartzun, Urnieta, Usurbil, Lezo eta Asigarragako udalerrietan.

Ura da ziurrenik, bizitzarako sustantziarik garrantzitsuena eta ezinbestekoa da baliabide honen kudeaketa ezagutzea, gizartean duen garrantziaz jabetzeko.

Hauek izan dira bisitaren helburuak: uraren erabilera arduratsua egiteko sentsibilizazio-kontzientzia sustatzea; uraren zikloak ezagutaraztea, bai naturalak, zein hirikoak; eguneroko bizitzarako baliabide moduan ura modu jasangarrian erabiltzeko baliabideak eskaintzea.

Bisita hau oso  aberasgarria izan da urak gure lanbidean duen garrantziaz eta haren kudeaketaz hausnartzeko. Datorren ikasturtean errepikatuko dugu!

 

 

 

Zalantzarik al duzu? Ezagutu nahi gaituzu? Jarri gurekin harremanetan

SENDABELAR TAILERRAK

/0 Comments/in , , , /by

Sara Letamendi, sendabelarretan aditua den Zestoarra, izan dugu ikastetxean sendabelarren eta kosmetika naturalaren inguruan tailer praktiko bat ematen.

Bertan, estetika eta ileapainketako erdi mailako ikasleak sendabelarren inguruan ezagutza handitzeaz gain, kosmetika ezberdinak ekoiztu dituzte eta hauekin masaje eta tratamentu ezberdinak egin dituzte.

Asko ikasteaz gain ederki pasatu dugu, milesker Sara!

 

 

 

Zalantzarik al duzu? Ezagutu nahi gaituzu? Jarri gurekin harremanetan

Jasangarritasuna eta ekonomia zirkularreko elkarlan proiektuan lanean.

/0 Comments/in , , /by
Oteitza Lizeo Politeknikoko ikasleak jasangarritasuna eta ekonomia zirkularreko elkarlan proiektuan lanean hasi dira.
Gure ikastetxean erabiltzen ditugun eta puskatuak dauden ur-lurrunak, besaulkiak…konpontzen ari dira.
Gure ikasleak datozen hilabetetetan estetika eta ileapainketako zerbitzuak eskeiniko dizkiete.
Animo, lan bikaina egiten ari zarete!

 

 

 

 

 

 

Zalantzarik al duzu? Ezagutu nahi gaituzu? Jarri gurekin harremanetan

Martxan da lehiaketa.

/0 Comments/in , , /by

Gure ikastetxean, BALIOEN TXOKO ikusgarri bat izateko, lehiaketa bat dago martxan.

Ikasleek taldeka, Txoko ikusgarri bat izateko sormenez betetako proposamenak aurkeztu behar dituzte.

Ikasleak proposamenak lantzen

Oraingo honetan, gaia emakumeen ahalduntzea da.

Epea Martxoaren 20an bukatzen da. Ondoren, aurkezten diren lan guztiak egun batzuetan ikastetxean ikusgarri egongo dira. Bi sari egongo dira, Epaimahaiaren saria eta Ikuslearen saria. Irabazleak Martxoaren 30ean argitaratuko dira.

 

 

 

 

 

 

Zalantzarik al duzu? Ezagutu nahi gaituzu? Jarri gurekin harremanetan

Belaunaldiateko lankidetza

/0 Comments/in , , /by

Gure ikasleak  Lanbide Heziketakoko Belaunaldiarteko Lankidetzan eginiko tailerretan parte hartu dute.

Tailer hauen helburua belaunaldien arteko lankidetza sustatzea da eta horretarako ikastetxean izan ditugu Amaya Oñederra, Monte Albertiako irakasle eta zuzendari ohia eta sektorean lanean aritu den profesionala eta Pilar Samper Monte Albertiako ikasle ohia eta 44 urteko esperientzia duna ilepainketako sektorean.

Tailer hauetan garai bateko eta oraingo sektorearen inguruko informazioa elkarbanatzeko aukera izan dute.

 

 

 

 

 

 

 

Zalantzarik al duzu? Ezagutu nahi gaituzu? Jarri gurekin harremanetan

Martxoak 8, Emakumeen Nazioarteko Eguna

/0 Comments/in , , /by

Nondik dator?

1857ko martxoaren 8an ehungintzako emakume langileek New Yorken protesta martxa aintzindaria egin zuten, lan baldintza kaxkarrak salatzeko, eta poliziak bortizki zapaldu zuen aldarrikapena.

Mende erdi beranduago, 1908 martxoaren 8an, gertakari larrienetarikoa gertatu zen hiri estatubatuar berean. Ehungintzako sektoreko 40.000 emakume langileek greba hasi zuten sindikatuetara afiliatzeko eskubidea, haurren lana ezeztatzea, 10 orduko jardunaldia, gizonezkoen soldata berdina kobratzea eta lan baldintza osasuntsuagoak aldarrikatuz. New Yorkeko Cotton ehungintza fabrikako 129 emakume langileek fabrika bera okupatu zuten greba honen testuinguruan.

Enpresaren jabeak fabrikako ateak giltzapetu eta sute bat eragitea agindu zuen, langileak amore ematera behartzeko. Baina sutearen kontrola galdu eta emakumezkoak kiskaliak  izan ziren.

Ondorioz, martxoaren 8a Nazioarteko Emakume Langilearen Eguna aldarrikatu zen. Clara Zetkin-ek (feminista historiko eta politikari komunista alemaniarrak) 1910eko Nazioarteko Emakume Sozialisten Biltzarrean martxoaren 8an Nazioarteko Emakume Langilearen Eguna aldarrikatzea proposatu zuen, eta hala onartu zen.

Zergatik kolore morea?

Hipotesi ezberdinak  daude kolore morearen inguruan. Hedatuenetariko bat 1908ko martxo hartan, New Yorkeko Cotton fabrikan egiten ari ziren ohialak more kolorekoak zirela da. Emakumezko hauen gorpuak estaltzeko aurkitu zen ohial bakarra morea zela ere esaten da.

Eta guk zer egingo dugu?

Aurten Monte Albertian, aldarrikapenarekin bat eginez eta ikasleek baloreetan hezitzeko helburuz, Baloreen Txokoa sortzeko lehiaketa antolatu dugu. Sormenez eta aldarrikapenez betetako Txokoa nahi dugu. Oraingo honetan, bereziki EMAKUMEAREN AHALDUNTZEARI jarriko diogu begirada.  Aurkezten diren lanak ikusgarri jarriko ditugu egun batzuetan. Gonbidatuak zaudete!

 

 

 

 

 

Zalantzarik al duzu? Ezagutu nahi gaituzu? Jarri gurekin harremanetan

ARIMEN GAUA

/0 Comments/in , /by

Udazkenetik negurako egun gero eta ilunagoen bueltan, erritu ezberdinak egin izan dira Europa osoan, baita Euskal Herrian ere…

Read more

Eugenia Arrietaren Hitzaldia

/0 Comments/in , /by

Ikasturte honetan ere, atsegin handiz izan dugu gurean Eugenia Arrieta, Estetika Integrala eta Ongizatea GMHZko ikasleei mikropigmentazioari buruzko hitzaldia emanez. 25 urteetan egin duen ibilbide profesionalari buruz, mikropigmentazioko joerei buruz eta teknika berriei buruz hitz egin du. Ikasleak motibatzeko eta mikropigmentazio-moduluaren sarrera modurik onenean ekiteko balio izan die.

 

 

 

Zalantzarik al duzu? Ezagutu nahi gaituzu? Jarri gurekin harremanetan

Urriak 19, Bularreko minbiziaren aurkako eguna | Instalazioak berriz apainduko ditugu.

/0 Comments/in /by

Bularreko Minbiziaren aurkako nazioarteko eguna dela eta, Monte Albertia LHIIko instalazioak apaindu ditugu, hezkuntza-komunitate osoaren kontzientzia sustatzeko.

Urtero, urriaren 19an, Bularreko Minbiziaren egun internazionala ospatzen da. Data horren bidez, herritarrak sentsibilizatu nahi dira funtsezko mezu batekin: detekzio goiztiarraren garrantzia, bularreko minbiziaren kasuen pronostikoa eta biziraupena hobetzeko helburuarekin,  hori garrantzitsua da gaixotasun honi aurre egiteko.

123456

 

Monte Albertian, ikasleen eta irakasleen % 98 emakumeak gara; hemendik, egunez egun gaixotasun horren aurka borrokatzen duten lagun guztiei babes-mezu bat bidali nahi diegu, eta, aldi berean, emakume guztiei garaiz detektatzearen garrantziaz kontzientziatu. Zurekin gaude.

 

Zalantzarik al duzu? Ezagutu nahi gaituzu? Jarri gurekin harremanetan

LANKIDETZAN TOLOSAKO DON BOSCOREKIN

/0 Comments/in , /by

1EDP-ko ikasleek, beraien gustokoenak diren osagaiekin osatutako txanpuak egin nahi dituzte, horrez gain txanpuek jasangarritasunarekin loturiko ezaugarriak ere izango dituzte.

Proiektu hau aurrera eramateko Tolosako Don Boscoko Kimikako ikasleak izango dituzte lagun, ikasle guztien elkarlanaren ondorioz txanpu ezberdinak lortuko ditugu. Zalantzarik al duzu? Ezagutu nahi gaituzu? Jarri gurekin harremanetan