Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

/0 Comments/in , , , /by

«Balanauldien arteo laturak sustatzen»

Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

Jarduera honi esker, ikasleek beren trebetasunak praktikan jartzeaz gain, belaunaldien arteko truke baliotsua ere sustatu dute.

Ikasleek egoiliarrei eskuak edertzea aitzakia hartuta balioetan murgildu ziren generazioen arteko lotura sustatuz. Bertan bizitako elkarrizketa eta maitasun partekatua nabarmentzekoa izan zen. Egoiliarrek erlaxazio- eta ongizate-une batez gozatu zuten, eta ikasleak, aldiz, beren istorioetatik eta bizitza-esperientzietatik ikasteko aukera izan zuten.

123
“Esperientzia aberasgarria izan da bi aldeentzat. Gure teknikak hobetzeaz gain, adinekoei laguntzeko eta entzuteko poza ere sentitu dugu”, adierazi du ikasleetako batek.

Horrelako ekimenek edertasuna giza konexiorako zubia izan daitekeela erakusten dute, belaunaldien arteko elkartasuna eta errespetua sustatuz. Zalantzarik gabe, jarduera honek guztioi utzi digu arrastoa. Itzuliko gara!

Zalantzarik al duzu? Ezagutu nahi gaituzu? Jarri gurekin harremanetan

Termalismoko eta ongizateko goi-mailako ternikaria

/0 Comments/in , , /by

2024-2025 ikasturte honetan, Monte Albertiako Termalismo eta Ongizateko goi-mailako zikloklo ikasleen lehen promozioak bukatuko du.

Ziklo hau ongizatearen, osasunaren eta termal baliabideen arloko profesionalak prestatzeko zuzenduta dago, spa, bainuetxe, osasun eta ongizate zentroetan lan egiteko gaitasuna emanez.

Irailetik hasita, gure ikasleek prestakuntza gehigarriak egin dituzte yoga, nutrizioa eta zoru pelbikoan, dagozkien moduluez gain.

Era berean, herritarrentzat tailerrak ireki dira masejeekin zein drainatzen linfatikoarekin.

Eta nabarmentzekoa da urtarrilaren amaieran erronka bat egin dutela/egingo dutela, orientazio-proba batekin amaituko dena.

Zergatik ikasi Termalismo eta Ongizatea?

Osasun eta ongizate turismoa hazkuntzan dagoen sektorea da, bai gure inguruan baita nazioartean. Jendeak gero eta gehiago bilatzen ditu tratamendu natural eta eraginkorrak, bere gorputza zein ongizate emozioanal zaindu ahal izateko, eta horrek sektore honetan lan egiteko aukera ugari eskaintzen dizkie profesionalei.

Izena eman orain!

Ongizatea maite baduzu eta sektore hazkor batean profesional gisa garatzeko aukera nahi baduzu, ez izan zalantzarik eta izena eman ziklo honetan. Plaza mugatuak dira, beraz, ziurtatu zure matrikula ahalik eta azkarren egitea.

Programa eta izen-emate prozesuari buruzko informazio gehiago lortzeko, bisitatu gure webgunea edo jarri gurekin harremanetan.

Animatu zaitez eta hasi zure bidea termalismo eta ongizatearen munduan!

Zalantzarik al duzu? Ezagutu nahi gaituzu? Jarri gurekin harremanetan

Goi-mailako ziklo berria martxan: Karakterizazioa eta Makillaje Profesionala

/0 Comments/in /by

Monte Albertian lehen aldiz ematen ari den ziklo hau efektu berezietan, pertsonaia-diseinuan eta makillaje eszenikoan espezializatuko diren etorkizuneko adituentzat diseinatuta dago. Zinemarako, antzerkirako, telebistarako eta ekitaldietarako goi-mailako profesionalak prestatzea du helburu. Ziklo berri honekin zentroak dagoeneko “Irudi Pertsonala” familiako heziketa-ziklo guztiak eskaintzen ditu.

Ikasleak teknika aurreratuak eta praktika berritzaileak ikasten ari dira, gero eta espezialista gehiago eskatzen dituen sektorean sartzeko. Ziklo honek sormenaren eta ikus-entzunezkoen industriarako aukera profesionalak irekitzea du helburu, Gipuzkoan goraka doan eskaera bati erantzunez.

Etorkizuneko talentua martxan da jada!

Onkologia 360º proiektua

/0 Comments/in /by

Gurekin batera, Lanbide Heziketako beste hiru ikastetxe elkarlanean ari dira gaixo onkologikoen bizi-kalitatea hobetzeko

Eusko Jaurlaritzako Hezkuntza Saileko Lanbide Heziketako Sailburuordetzak sustatutako Onkologia 360º proiektu berritzailean burubelarri gabiltza lanean.

Ekimen aitzindari batean, espezialitate ezberdinak dituzten Lanbide Heziketako lau ikastetxek, Monte Albertia LHII, Plaiaundi LHII, Tolosako Inmakulada Lanbide Ikastola eta Zinema eta Bideo Eskola, indarrak batu ditugu minbiziak jotako pertsonen ongizate integrala hobetzeko diseinatutako proiektu berritzaile batean. Proiektu anbiziotsu honen helburua, pazienteen behar fisiko, nutrizional, psikologiko eta estetikoei erantzutea da, gaixoen bizi-kalitatean lagunduko duen laguntza-sarea eta baliabideak sortuz. Proiektu honetan, Ikastetxeekin elkarlanean, onkologiaren ekosistema osatzen duten AECC Gipuzkoa, Asgicer, Aspanogi, Izan Iñurri eta Katxalin elkarteak daude, eta baita Donostiako Onkologikoa ere.

Gure helburu nagusia, gaixo onkologikoei beren burua zaintzen eta prozesuan zehar hobeto sentitzen lagunduko dieten informazioa eta tresna baliagarriak eskaintzea da. Horretarako, baliabide digitalak garatzen ari dira, hala nola profesional espezializatuek egindako tutorialak eta aurrez aurreko tailer eta hitzaldiak bilduko dituen webgune bat. Jarduera horiek funtsezko gaiei buruzko orientazioa emango dute, hala nola elikadura osasungarriari, egokitutako jarduera fisikoari, ongizate emozionalari eta autozainketa estetikoari buruzkoa.

Gainera, eskuratutako ezagutza, Euskadiko Lanbide Heziketako sarea osatzen duten ikastetxeetara transferitzea ahalbidetuko duen prestakuntza-materiala sortzea ere bada proiektuaren helburua. Horrela, aurrera eramaten diren ekintzetatik eratorritako ezagutzak eta praktika onak ikasgelara iristea ahalbidetuko da. Inpaktua biderkatu egingo da eta kolektibo honi arreta emateko etorkizuneko profesionalak konpetenteagoak izango ditugu.

Proiektuak urte beteko iraupena duen arren, plataformaren eta sortutako baliabideen iraunkortasuna bermatzeko funtsezkoak diren elkarte eta eragileen trebakuntza ere barne hartzen du. Horrela, ekimenak gaixo onkologikoei eta haien familiei laguntzen jarraitzea espero da, baita proiektua amaitu ondoren ere.

Ahalegin kolektibo honek, espezialitate desberdinetako ikastetxeen arteko lankidetzak, pertsonen bizitzan eragin dezakeen onura nabarmentzen du, ezagutza eta berrikuntza ongizatearen zerbitzura jarriz.

 

Monte Albertiako ikasleak motxila laranja ihes kalean Zarautzen

/0 Comments/in , /by

Irudi Pertsonalaren eta Korporatiboaren Aholkularitzako 2. mailako ikasleek Sorginlore eta Ikertze elkarteek, Zarauzko kale eta dendetan zehar, antolatutako “Escape Street” bat prestatzen eta egiten lagundu dute.

Elkarte horiek hezkidetza landu, eta gazteen inklusioa eta enplegagarritasuna errazten dute. Balio hauek gure ikastetxearen nortasuna izanik.

Escape Street, Motxila Laranja, urriaren 2tik 4ra bitartean ospatu da. Ikastetxeko ikasle guztiek parte hartu dute, eta jardueraren gaia harreman osasungarriak izan dira.

Zalantzarik al duzu? Ezagutu nahi gaituzu? Jarri gurekin harremanetan

Irakasleak Atzerrian

/0 Comments/in , , , /by

Aste honetan Monte Albertia LHII-ko ileapainketako irakasle talde bat Portugalen egon da. Bertan, Viana do Casteloko ETAP ikastetxea ezagutu dute, eta ileapainketako irakasle taldearekin lanean aritu dira etorkizunean elkarrekin proiektu desberdinak burutzeko.

Portugaleko ikastalde batekin ilearen diagnostiko protokoloak burutu dituzte tailerretan.

Ikastetxean erabiltzen duten irakaskuntza metodologia erronketan oinarritzen den ETHAZI metodologia da, eta ikuspuntu desberdinak bateratu dituzte.

Bestade, Caminha-ko eta Viana do Castelo-ko bi ileapaindegi bisitatu dituzte eta sektoreko puntako tekniken berri jakin dute.

Oso probetxugarria izan da. Alde batetik, irakasleek profesionalki gaitasun desberdinen transferentzia partekatu dutelako. Eta bestetik, bertako kultura eta hezkuntza sistema ezagutu dutelako.

Azkenik, Monte Albertia eta ETAP ikastetxearen arteko harremanak sendotzeko balio izan digu.

¿Tienes dudas? ¿Quieres venir a conocernos? Contáctanos

LHA30 Koordinazio Bilera Monte Albertian

/0 Comments/in , , , /by

Maiatzean, Gipuzkoako Lanbide Heziketako Agenda 30eko Koordinazio Bilera egin genuen Monte Albertian. Bertan, lanean aritu ginen Gipuzkoako ikastetxe ezberdinetako A30eko arduradunak Ingurugelako Edurne Ugarterekin batera. LHA30eko proiektuari bukaera emateko azken pausuak landu genituen eta oso aberasgarri izan zen ikastetxe bakoitzeko esperientzi eta proiektuak partekatzea. Giro ederrean pasatu genuen goiza, eskerrik asko bertaratu zineten guztiei!!

Zalantzarik al duzu? Ezagutu nahi gaituzu? Jarri gurekin harremanetan

Erasmus+ etik bueltan

/0 Comments/in , , , , /by

Aste honetan, Monte Albertia LHII-ko Goi mailako sei ikasle itzuli dira ERASMUS+ proiektuak burututa. Ikasle bakoitzak hiru hilabete igaro ditu atzerrian.

“Estetika eta Ongizateko” lau ikasle Pragan izan dira. Aldiz, “Irudi pertsonalaren eta korporatiboaren aholkularitza”ko goi-mailako bi teknikari eta “Estetika eta edergintza”ko teknikari bat Milanen izan dira.

Esperientzia honek asko aberastu ditu hainbat esparrutan. Batetik, beste herrialde batean bizitzeko aukera eman die. Ez hori bakarrik,  beste hizkuntza batean trebatu beharra ere bai. Azkenik, bertako enpresetako teknika berri eta aurreratuak ezagutu dituzte.

Zorionak  denoi! Ziur gaude esperientzia hau ahaztezina  izango dela zuen bizitzetan. Eta etorkizunean praktika profesionalerako balioko dizuetela!

 

 

Zalantzarik al duzu? Ezagutu nahi gaituzu? Jarri gurekin harremanetan

ERASMUSETIK BUELTAN

/0 Comments/in , , /by

Aste honetan Monte Albertia LHII-ko erdi mailako sei ikasle itzuli dira ERASMUS+ proiektuak burutu ondoren. Italiako bi hirietan igaro dituzte 45 egun. Ileapainketako ikasleek Florentziako  ileapainketetan egin dituzte praktikak, eta estetikakoek berriz, Milaneko estetika zentru batean.

Esperientzia honek beste herrialde batean bizitzeko aukera eman die ikasleei eta beste hizkuntza bat ikasteaz gain, beste hiri eta herrialdetako jendea ezagutu, eta hango enpresetako teknika berriak eta aurreratuak ezagutu dituzte.

Zorionak  denoi! Ziur gaude esperientzia hau ahaztezina  izango dela zuen bizitzetan. Eta etorkizunean praktika profesionalerako balioko dizuela!

 

Zalantzarik al duzu? Ezagutu nahi gaituzu? Jarri gurekin harremanetan

LGTBIQ+fobiaren aurkako Nazioarteko Eguna.

/0 Comments/in , , /by

“NAIZENA NAIZELA ONARTUA”

Maiatzaren 17an,  LGTBIQ+fobiaren aurkako nazioarteko egunarekin bat eginez,  Monte Albertian,  eskualdeko gainerako ikastetxeetan bezala, aurten landuko den gaia familia-eredu anitzei buruzkoa da.

Egungo gizartean,familia anitzak ditugu.Familia-eredu bat bera  ere ez da bestea baino hobea. Garrantzitsuena da beren seme-alabentzako familia-giro eta hezkuntza-estilo egokia sustatzea, afektuan, errespetuan eta ulermenean oinarrituta.

 

Zalantzarik al duzu? Ezagutu nahi gaituzu? Jarri gurekin harremanetan