Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

/0 Comments/in , , , /by

«Balanauldien arteo laturak sustatzen»

Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

Jarduera honi esker, ikasleek beren trebetasunak praktikan jartzeaz gain, belaunaldien arteko truke baliotsua ere sustatu dute.

Ikasleek egoiliarrei eskuak edertzea aitzakia hartuta balioetan murgildu ziren generazioen arteko lotura sustatuz. Bertan bizitako elkarrizketa eta maitasun partekatua nabarmentzekoa izan zen. Egoiliarrek erlaxazio- eta ongizate-une batez gozatu zuten, eta ikasleak, aldiz, beren istorioetatik eta bizitza-esperientzietatik ikasteko aukera izan zuten.

123
“Esperientzia aberasgarria izan da bi aldeentzat. Gure teknikak hobetzeaz gain, adinekoei laguntzeko eta entzuteko poza ere sentitu dugu”, adierazi du ikasleetako batek.

Horrelako ekimenek edertasuna giza konexiorako zubia izan daitekeela erakusten dute, belaunaldien arteko elkartasuna eta errespetua sustatuz. Zalantzarik gabe, jarduera honek guztioi utzi digu arrastoa. Itzuliko gara!

Zalantzarik al duzu? Ezagutu nahi gaituzu? Jarri gurekin harremanetan

Irudi Pertsonalaren eta Korporatiboaren Aholkularitzako ikasleak Monte Albertiaren izen aldaketan parte hartu dute

/0 Comments/in , , /by

Irudi Pertsonalaren eta Korporatiboaren Aholkularitzako heziketa-zikloko ikasleek modu aktiboan parte hartzeko aukera izan dute Monte Albertia ikastetxearen izen aldaketako prozesuan. Proiektu hau Ekintzailetza Gelak programaren parte da, Europar Batasunak – NextGeneration EU – finantzatutako ekimena, ikasleengan sormena, berrikuntza eta ekintzailetza sustatzea helburu duena.

Ikasleek Sorland komunikazio agentziarekin lankidetzan lan egin dute, marka sortzen adituak baitira eta identitate korporatiboa garatzeko eta diseinatzeko esperiantzia hau prozesu aberatsa izan da. Hiru saiotan zehar, ikasleek brandingari, irudi korporatiboari eta komunikazio-estrategiei buruzko ezagutzak aplikatu dituzte, ikastetxearen norabide berrian ekarpena eginez.

Lehenengo saioan informazioa lortu eta egoera aztertu zen, eta ikasleek erakundearen nortasuna eta balioak sakon ezagutzeko aukera izan zuten. Bigarren saioan, ikasleek taldean lan egin zuten ikastetxearen funtsa islatuko zuten sormen-proposamenak sortzeko, eta hirugarren eta azken saioan, berriz, marka berria definitu zen, ideia nabarmenenak sendotuz.

Proiektu horri esker, ikasgelan ikasitakoa praktikan jartzeaz gain, erakundeak eraldatzeko eta berritzeko prozesu erreal batean zuzenean parte hartu ahal izan dute ikasleek.

 

Zalantzarik al duzu? Ezagutu nahi gaituzu? Jarri gurekin harremanetan

San Sebastián eguna

/0 Comments/in , , /by

Gure ikastetxeko erdi mailako Ile-apainketako  taldeekin Azpeitian izan gara San Sebastian eguneko haurren danborradarako apainketa lanak egiten udaletxeko aretoan. Inklusibitatea eta partaide guztiek apaintzeko aukera berdinak izateko helburuarekin sortu da ekintza hau Azpeitiko Udalarekin, Iraurgi Ikastetxearekin, Karmelo Etxegarai Ikastolarekin, Azpeitiko Ikastola Ikasberrirekin, Azpeitiko Musika Eskolarekin eta Itsasi Dantza Taldearekin elkarlanean.

Zalantzarik al duzu? Ezagutu nahi gaituzu? Jarri gurekin harremanetan

Azaroak 25, indarkeria matxistaren aurkako eguna

/0 Comments/in , /by

Azaroaren 25ean Emakumeen Aurkako Indarkeriaren Nazioarteko Eguna ospatu dugu. Egun honetan, mundu osoko emakumeen aurkako indarkeria salatzen da. 1960ko azaroaren 25ean Mirabal ahizpak erailak izan ziren emakume eta aktibista izateagatik.

Aske bizi nahi dugu gure ikasgeletan, kalean eta baita beste edozein txokotan ere. Baina, oraindik ere, matxismoa errotuta dago gure jarreretan eta bizitzeko moduetan, eta gure espazioak ere horren isla dira.

Sistema matxista batean bizi gara eta guztiok ditugu jarrera matxistak barneratuta. Ez da nahikoa hausnarketa hori banaka egitea, behar-beharrezkoa da kolektiboki egitea.

Indarkeria matxistaren berezko ezaugarriei tresna berriak batu zaizkie: sare sozialak, internet… Kontuan izan behar dugu mundu birtual hori pertsonok elikatzen dugula.

Horregatik, urtero bezala  Monte Albertian, gure ikasleen artean egun seinalatu honen garrantzia azpimarratu eta BALIOAK 4.0 lantzen jarraitzeko ikasleekin dinamikak egin ditugu.

Lanketa hau ezin da egun soil batean geratu, ez da nahikoa. Gaurtik hasita guztioi dagokigu eguneroko jarrerak eraikitzea, baita beste hainbeste deseraikitzea ere, horrek eramango baikaitu helburu dugun etorkizuneko hezkuntza feminista lortzera.

Zalantzarik al duzu? Ezagutu nahi gaituzu? Jarri gurekin harremanetan

Martxoak 8, Emakumeen Nazioarteko Eguna

/0 Comments/in , , /by

Nondik dator?

1857ko martxoaren 8an ehungintzako emakume langileek New Yorken protesta martxa aintzindaria egin zuten, lan baldintza kaxkarrak salatzeko, eta poliziak bortizki zapaldu zuen aldarrikapena.

Mende erdi beranduago, 1908 martxoaren 8an, gertakari larrienetarikoa gertatu zen hiri estatubatuar berean. Ehungintzako sektoreko 40.000 emakume langileek greba hasi zuten sindikatuetara afiliatzeko eskubidea, haurren lana ezeztatzea, 10 orduko jardunaldia, gizonezkoen soldata berdina kobratzea eta lan baldintza osasuntsuagoak aldarrikatuz. New Yorkeko Cotton ehungintza fabrikako 129 emakume langileek fabrika bera okupatu zuten greba honen testuinguruan.

Enpresaren jabeak fabrikako ateak giltzapetu eta sute bat eragitea agindu zuen, langileak amore ematera behartzeko. Baina sutearen kontrola galdu eta emakumezkoak kiskaliak  izan ziren.

Ondorioz, martxoaren 8a Nazioarteko Emakume Langilearen Eguna aldarrikatu zen. Clara Zetkin-ek (feminista historiko eta politikari komunista alemaniarrak) 1910eko Nazioarteko Emakume Sozialisten Biltzarrean martxoaren 8an Nazioarteko Emakume Langilearen Eguna aldarrikatzea proposatu zuen, eta hala onartu zen.

Zergatik kolore morea?

Hipotesi ezberdinak  daude kolore morearen inguruan. Hedatuenetariko bat 1908ko martxo hartan, New Yorkeko Cotton fabrikan egiten ari ziren ohialak more kolorekoak zirela da. Emakumezko hauen gorpuak estaltzeko aurkitu zen ohial bakarra morea zela ere esaten da.

Eta guk zer egingo dugu?

Aurten Monte Albertian, aldarrikapenarekin bat eginez eta ikasleek baloreetan hezitzeko helburuz, Baloreen Txokoa sortzeko lehiaketa antolatu dugu. Sormenez eta aldarrikapenez betetako Txokoa nahi dugu. Oraingo honetan, bereziki EMAKUMEAREN AHALDUNTZEARI jarriko diogu begirada.  Aurkezten diren lanak ikusgarri jarriko ditugu egun batzuetan. Gonbidatuak zaudete!

 

 

 

 

 

Zalantzarik al duzu? Ezagutu nahi gaituzu? Jarri gurekin harremanetan

ERASMUS+ 21/22 irakasleentzako bekak

/0 Comments/in , /by

Ekainaren 18an , CIFP Monte Albertia LHII-ko hiru irakasle Milan-eko ile-apaindegi eta estetikako enpresak ezagutzera abiatu ziren. Horretarako, irakasleentzako ERASMUS+ Mugikortasun programa eskaintzen duen beka aprobetxatu zuten.

Irakasleak 5 eguneko egonaldia egin dute Milanen, eta HERMES CLINIQUE estetika zentroaren eta ESSENCE HAIR SPA ile-apainketaren funtzionamendua eta teknika berritzaileak ezagutu dituzte.

Egonaldi honek gure ikastetxeak atzerrian kontaktu berriak egiteko aukera eman digu, zalantzarik gabe interesgarria etorkizunean gure ikastetxean izango ditugun Erasmus plus-eko ikasleak bidaltzeko .

Zalantzarik al duzu? Ezagutu nahi gaituzu? Jarri gurekin harremanetan

Ongi Etorri Itxaso! Jadanik hilabete gurekin! Benetan plazer bat da guretzat!

/0 Comments/in , , /by

Ekainaren 24an, Itxasok bere praktikak hasi zituen Monte Albertia LHIKn, Pauso Berriak (Atzegi + Gureak) programaren barruan. Egun batzuk lehenago, zuzendaritzak eta zentroko gainerako langileek ongietorri ezin hobea egin zioten.

Itxaso urduri agertu zen, baina gogo biziz esperientzia berri hau hasi eta trebatzen jarraitzeko.

Praktiketan, hainbat lan egingo ditu ikastetxean, hala nola fotokopiatzea, eskaneatzea, liburuak forratzea, koadernatzea edo dokumentazioa suntsitzea idazkaritza-sailerako, eta ile-apainketako eta estetikako tailerretan irakasleei laguntzen ere ibiliko da.

CIFP Monte Albertia LHHI Gipuzkoako ikastetxe publiko bakarra da ile-apainketako eta estetikako erdi-mailako eta goi-mailako prestakuntzan espezializatua. Ikaslan Gipuzkoako (Lanbide Heziketako Ikastetxe Publikoen Elkartea) 23 ikastetxe sareko parte da CIFP Monte Albertia LHII eta Pauso Berriak Programara (Atzegi + Gureak) batu da, aurrez beste ikastetxe batzuk egin zuten moduan: CIFP Armeria Eskola LHII, Leizaran Institutoa, CIFP Tolosaldea LHII, CIFP Bidasoa LHII , CIFP Don Bosco LHII eta CIFP Blas de Lezo LHII Programarekin, Jaione, Mikel, Iñaki, Jesus, Martin eta Jean Carlosen esperientzien bidez parte hartuz, hurrenez hurren.

Eskerrak eman nahi dizkiegu Norari eta Mireni eman diguten bultzadagatik eta CIFP Monte Albertia LHHIko taldeko kide guztiei, Itxasori egindako harreran erakutsi duten ilusio eta maitasunagatik.

Eta zuri Itxaso esperientzia berri honetan zorterik onena opa dizugu!

Zalantzarik al duzu? Ezagutu nahi gaituzu? Jarri gurekin harremanetan

Lotzen sariak Donostiako Aquariumean

/0 Comments/in , , /by

Maiatzaren 20an Donostiako Aquarium- en 2022 Lotzen Saria ospatu zen, eta gure ikastetxeak honetan parte hartzeko aukera izan zuen. Izan ere, partaideak Estetika eta Edergintzako lehenengo kurtsoko zazpi ikasle izan ziren eta lehiaketa honetarako bi grabaketa prestatu zituzten.

Nahiz eta sariaren irabazleak ez izan, oso lan duinak eta ideia politak prestatu zituzten.

Ea hurrenngoan! AUPA ZUEK! Eskerrik asko partehartzaileei!

 

Zalantzarik al duzu? Ezagutu nahi gaituzu? Jarri gurekin harremanetan

Tolosako Inmakulada lanbide ikastolara bisita

/0 Comments/in , /by

Ile apainketako Estilismo eta Zuzendaritza zikloko 1. mailako ikasleak Tolosako Inmaculada Lanbide ikastola bisitatu dute.

Bisita benetan interesgarria eta hezitzailea!

Farmazia eta Parafarmazia zikloko ikasleekin elkalanean, buru larruazal eta ileko diagnosian oinarrituz, fitxa tekniko pertsonalizatu bat burutu dute. Bertan Balioak 4.0 landu dituzte Osasuna eta Ongizatearen alorrean.

Zalantzarik al duzu? Ezagutu nahi gaituzu? Jarri gurekin harremanetan

LGTBI+ fobiaren kontrako Nazioarteko Eguna

/0 Comments/in , /by

Atzo, maiatzak 17, LGTBI+ fobiaren kontrako eguna aldarrikatu genuen. Gaia jorratzeko, hausnarketa bat egitera bideratu genituen ikasleak eta ondoren LGTBI+ pertsonen eskubideak eta askatasunak erabat gauzatzeko egon daitezkeen oztopoak gainditzeko ideiak jasotzeaz gain, hauek koloreetako txarteletan adierazi eta ikastetxeko sarreran zintzilikatu genituen.

Gaur egun guztiz ezinbestekoa den hausnarketa-prozesua!

Zalantzarik al duzu? Ezagutu nahi gaituzu? Jarri gurekin harremanetan