Joan den ostegunean, apirilaren 15ean PHYTO 5 etxe komertzialeko profesional espezialistek, Goi-mailako Estetika Integrala eta Ongizatea Heziketa-Zikloko 1. Mailako bi taldeei kosmetikoak azaldu zizkieten, eta bereziki, aurpegi-tratamendu arazgarria.
Ikasleek hainbat teknika ikasteko eta produktu berriak ezagutzeko aukera izan zuten.
Eskerrik asko Phyto 5!
Bigarren mailako ikasleak Lan Praktiketara joan aurretik, Monte Albertiatik, ekintzailetzari keinu bat egin zaio Ikasenpresa lehiaketa antolatuz. Bertan, Enpresa eta Ekimen Sortzailea moduluan sortutako enpresek hartu dute parte eta ekintzailetza prozesuan ezinbestekoa den gai baten inguruan aritu dira lanean: salmenta puntuak.
Benetan lan oso originalak eta landuak aurkeztu dira.
Lehiaketaren irabazlea KLAN Ikasenpresa izan da, Estetika eta Edergintza zikloko (2EB) Karla, Lorena eta Narine ikasleek osatua.
Zorionak!
Martxoaren 8a dela eta, Zumaia, Getaria, Zarautz eta Orio herrietako ikastetxeek eta udalek, elkarrekin, berdintasuna landu, sustatu eta aldarrikatu dugu.
Gai hau ikasturte osoko lanketa den arren, martxoaren 8ari indarra emateko, berariazko lanketa egin dugu gure ikastetxean.
Aurtengo gaia, “nork zaintzen du?”, etxeko eginbeharretan eta zainketa-zereginetan parekidetasunaren beharra izan dugu hizpide.
Gainera, Donostiako Goyeneche Fundazioko Zarauzko Garaguneko pertsonek beraien ekimenean parte hartzeko konbitea luzatu digute, hartu txartel bat eta idatzi emakumearen egunean zure aldarrikapena. Ikasleekin gaia jorratu ondoren, ekintzari bukaera eman diogu, ikastetxearen sarreran berdintasunaren inguruko aldarrikapen txartelak zintzilikatuz.
Gu ere martxoak 8!
Destrucción, Eklipse Minimalista, Fantasy Seasons, The 80’s & Winter Glow
“Ile-apainketako Estilismoa eta Zuzendaritza” Goi-Mailako Heziketa-Zikloko 2. Mailako ikasleek mozketa, kolorea eta styling bilduma bikainak osatu dituzte.
Izugarriak, ezta? Eskerrik asko Nagore zure argazkiengatik! Zein da zuen look gustokoena?
Zuk ere horrela lan egiten ikasi dezakezu! Zatoz gu ezagutzera!
Zalantzarik al duzu? Gurekin etortzera etorri nahi duzu? Jarri gurekin harremanetan
MA – Monte Albertiako “Ile-apainketako estilismoa eta zuzendaritza” heziketa-zikloko 2. mailako ikasleek, gizonezko ile-mozketa nahiz bizar eta bibotea konpontzeko joera desberdinei buruzko Masterclass bat jaso dute Alex Muguruza ikasle ohiaren eskutik.
Profesionaltasuna, trebetasuna eta segurtasuna erakutsi ditu eredu errealean egindako degradatuen teknika ezberdinetan.
Alex, mila esker zure ekarpenagatik!!
Zalantzarik al duzu? Gurekin etortzera etorri nahi duzu? Jarri gurekin harremanetan
Monte Albertiako Marta Orus irakaslearen eskutik proiektu ikusgarria. Sorkuntzaz beteriko lan honetan, argazki sesio bat egin genuen Martin De Brito argazkilariaren laguntzarekin. Gure zentro MA-ko ikasleek lehen pertsonan bizi ahal izan zuten Shooting saio bat.
“Pertsonak bezain biziak diren erretratuak egin nahi ditut” – Richard Avedon.
Esaldi horrekin argi eta garbi ulertzen dugu argazki on batek duen indarra. Ileapainketa, estilismo, makillaje eta moda onarekin nahasten badugu gainera, horrelako emaitza bat lor dezakegu.
Gozatu Marta eta Martinen lan honekin!
Zalantzarik al duzu? Gurekin etortzera etorri nahi duzu? Jarri gurekin harremanetan
2.Ile-apainketako Estilismo eta Zuzendaritzako ikasleek ikus-entzunezko baliabideetarako orrazkerak sortu dituzte, frutak inspirazio gisa hartuta.
Dastatzeko moduko emaitza izugarria
Aurreko edizioetan ikus-entzunezko proiektua modelo errealetan gauzatu da. Ikasturte honetan, COVID-19aren ondorioz bizi dugun egoera dela eta, ikasleek aukera desberdinak bilatu dituzte proiektua gauzatzeko.
Eskerrik asko partehartzaile guztioi!
Gelan landutako proposamena “Zuk nori lagunduko diozu”, lekukoen paperari garrantziari buruz sentsibilizatzea eta gure inguruan gertatzen diren hainbat egoera erasotzaile normaltzat hartzearen inguruko hausnarketa eta egoera horretan parte hartzean dugun paperaz ohartaraztea izan du helburu.
Bukatzeko Urola kostako beste ikastetxeekin batera elkartaratze birtual bat egin dugu, Urola-Kostako Hezkidetza Foroak Emakumeenganako Indarkeriaren aurka, hezkidetza eta tratu onean oinarritutako hezkidetzaren alde aldarria eginez, manifestu bat irakurriz eta bertso bat abestuz bukatu dugu eguna.
Aurten, gainera, Donostiako Goyeneche Fundazioko Zarauzko Garaguneko pertsonekin lankidetzan aritzeko plazerra izan dugu, borroka honetan lagun izan ditugu. Izan ere, haiek egindako txapa moreak oparitu dizkigute, gaur harrotasun handiz soinean daramazkigunak.
Gogorarazi nahi dizuegu borroka hau guztiona dela eta denok batera lortuko dugula.
Zalantzarik al duzu? Gurekin etortzera etorri nahi duzu? Jarri gurekin harremanetan
“Ileapainketako estilismoko eta zuzendaritzako” Goi-Mailako heziketa-zikloko 1. mailako ikasleek, “LANEKO ARRISKUEN PREBENTZIOA“-ren 1. erronkan, gorputzeko ergonomia landu dute “TKT Pilates” zentroko Saioa eta Maria irakasleen eskutik PILATES-eko saio batean.
Zalantzak dituzu? Ezagutu nahi gaituzu? Jarri gurekin harremanetan!
Gaur egungo osasun-egoera dela eta, gure Ate Irekien Jardunaldien egutegia eta formatua aldatu behar izan ditugu.
Horregatik, ikastetxeko heziketa-zikloren bat egin nahi duten ikasleetako bat bazara, Online Ate Irekien egunetara apuntatzeko gonbita egiten dizugu: maiatzaren 18ra (astelehena), 19ra (asteartea), 20ra (asteazkena) eta 21era (osteguna).
Hala, Online Topaketak antolatu ditugu Monte Albertiako prestakuntza-proiektua, ikastetxeko zuzendariak, komunikazio-arduradunak eta heziketa-zikloetako irakasleek osatutako taldea ezagutzeko aukera izan dezazuen. Talde horrek nor garen eta nola egiten dugun lan azalduko dizu eta zure zalantzak argitzeko aukera izango duzu ere. Izan ere, hastear duzun ikasle-etapa berri honi buruz dituzun galdera guztiak egin ahal izango dituzu.
Zatoz eta ikasturte berrian zain duzun guztia ikusi ahalko duzu. Gure Ate Irekien Jardunaldietan Monte Albertiak ikasi nahi izan duzun horretan presta zaitzakeela eta gaur egun lan-sektoreak eskatzen duen profesionala izateko behar duzun bultzada eman diezazukeela ikusiko duzu.
ATE IREKIETARA joateko, interneteko konexioa besterik ez duzu behar. Software ireki batekin lan egiten dugu eta esteka baten bidez sartu ahal izango zara. Esteka hau izena ematean emango dizugu.
Ate Irekien Egutegia:
ERDI-MAILAKO ZIKLOA: Ile-apeinketako eta kosmetikako teknikaria > Astelehena 05/18/, 18:00h
ERDI-MAILAKO ZIKLOA: Estetika eta edergintza teknikaria > Asteartea 05/19/, 18:00h
GOI-MAILAKO ZIKLOA: Estetika integral eta ongizateko goi mailako teknikaria > Asteazkena 05/20, 18:00h
GOI-MAILAKO ZIKLOA: Ile-apainketako estilismoko eta zuzendaritzako goi mailako teknikaria > Osteguna 05/21, 18:00h.
Online Ate Irekien Jardunaldietan izena ematea eta informazio gehiago
