Euskararen eguna datorrela eta, Zarauzko udalak antolatuta, Monte Albertiako erdi mailako lehen mailako ikasleak Modelo Aretoan egon gara Eñaut Elorrieta eta Mikel Markezen Baga, biga, higa: euskal musikagintzaren historia ikuskizunaz gozatzen.
Izarraitz LH ikastetxeko Mendekotasun egoeran dauden pertsonen arreta zikloko bigarren mailako ikasleen bisita izan dugu gaur. Elkarren arteko jakintza partekatu dugu; guk ultzerak zer diren eta nola prebenitu daitezkeen ikasi dugu eta beraiek masaiako teknika ezberdinak ikasi dituzte. Esperientzia oso aberasgarria izan da.
Urola Kostako Mankomunitateko teknikaria den Maiak, birziklapenaren inguruko sentsibilizazio tailerra eskaini die Monte Albertiako ikasle eta irakasle guztiei. Bertan, zalantzak argitzeaz gain, hondakinen sailkapen egokia nola egin behar den errepasatu dugu. Tailerretako hondakin berezien inguruan ere aritu gara. Ea denen artean, hondakinak murrizten, ongi birziklatzen eta gehiago berrerabiltzen ikasten dugun.
Hilabete honetan, Emakumeenganako Indarkeriaren Kontrako Nazioarteko Eguna da, mundu osoko emakumeen aurkako indarkeria salatzeko eta herrialde guztietan indarkeria ezabatzeko politikak eskatzeko eguna. 1960. urteko Azaraoren 25ean Mirabal ahizpak erailak izan ziren emakume eta aktibista izateagatik. Ordutik, mundu mailan egun seinalatua dugu eta Monte Albertian ere begirada berezi bat eskaini nahi izaten diogu egunari eta baita […]
Estetika Integrala eta Ongizateko 2. Mailako ikasleek AGADELPRISE ELKARTEAREN eskutik Lipedema eta Linfedema patologiaren inguruko hitzaldia jaso zuten. AGADELPRISE Gipuzkoako Lipedema eta Linfedema Patologiak dituzten pertsonen elkartea da eta Leire Eldua izan zen hitzaldia eskaini zuen Fisioterapeuta. Ikasleak gustura entzun zuten. Eskerrik asko AGADELPRISE eta Leireri, elkarlanean jarraituko dugu!
Monte Albertia LHIIk antolatutako ile apainketako ikastaroa bukatu berri du. Bertan gure irakasleez gain Santurtziko San Jorge LHII eta Gasteizko Mendizabala parte hartu dute. Formatzaileak Urban hair ile apaindegiko Leire Chouza eta Sheila Tejerina izan dira eta argazkietan ikusten den bezala, ikus-entzunezko produkzioetarako ilez egindako osagarrien joera berriak egiten ikasi dugu.
Don Boscoko Kimikako ikasleak, Monte Albertiara etorri dira, 1EDPko ikasleek eskatutako ezaugarriekin sortutako txanpuak ekarri, azaldu eta probatzera. 1EDP-ko ikasleek, beraiek sortutako Higiene kapilarraren protokoloa erabiliz zerbitzua eman diete.
Martxan gaude, Don Bosco LHII-rekin batera, Lanbide Heziketako Sailburuordetzako deialdian onartutako proiektu berritzailearekin: Ilearen ekonomia zirkularra. Lehenengo hiruhilabeterako ezarritako plangintza aurrera eramaten ari gara eta gaur egun esparru honetan daukagun abiapuntua ezagutzeko zaintza egiten hasi gara enpresa eta eragileekin batera. Horretaz gain, gure lehenengo saiakerak egiteko, ileapaindegiekin elkarlanean ilea jasotzen hasi gara.
1962an Monte Albertiak ateak ireki zizkion ikasleen lehen promozioari. Orduz geroztik etengabeko aldaketa-prozesu batean murgilduta egon gara: aldaketa politkoak eta hezkuntzakoak. Gure erronka, eskola gisa, beti izan da, eta izango da, gure inguruneari eta ikasleei hezkuntza-erantzunik onena eskeintzea. 60 urte hauetan, zentroaren eginkizuna aldatzen eta merkatuaren eta gizartearen beharretara egokitzen joan da. Gaur egun, irudi […]
Estetika Integrala eta Ongizateko GMHZko 2. mailako ikasleek 1. Erronka amaitu dute. Azken bi asteetan ezkongaiek eskatutako zerbitzuak bete behar izan dituzte eta gaur, beraien egun handian distiratsu egon dira.
