“Pertsona baten bizitza alda dezakeen esperientzia”
Ikasleek Lanbide Heziketa hastea erabakitzen dutenean, askotan zaila izaten da karreraren zer ibilbide aukeratu behar duten jakitea eta esperientzia errealago bat behar izaten da bizitza osoa zertan eman nahi duten erabakitzeko. Horregatik, beste herrialde bateko bizimoduan erabat murgiltzea aukera ikaragarria da, jende berria, kultura desberdinak eta bizimodu liluragarria ezagutzeko aukera ematen duena.
Atzerrian ikastearen nondik norakoak jakitea zaila izan daiteke zenbait ikaslerentzat, zalantzak sortuz. Hala ere, konpainia eta erakunde asko daude laguntzeko erabat prest daudenak eta hauek bekak eskaintzen dituzte, baita ostatua bilatzen laguntzen dute ere.
Argi dago horrelako erabakiek bizitza aldatzen dutela eta askotan kontuan hartzen ez diren onura asko ekartzen dituztela. Horregatik, HousingAnywhere-k 5 arrazoi aurkezten ditu atzerrian praktikak egiteko.
1. Etorkizunean kontratatua izateko aukerak handitzen ditu
Atzerrian praktikak egiteak esperientzia atsegingarri eta onuragarri batean murgiltzea dakar eta enpresetako giza baliabideen arduradunek faktore horiek oso kontuan hartzen dituzte; izan ere, aintzat hartuko dute pertsona batek kultura berri bati eta erronka askori helduz bere mugak zabaltzea erabaki izana.
Halaber, kanpoan ikasteak egoera berrietara eta ingurune desberdinetara egokitzeko gaitasuna eta trebetasun berriak garatzeko aukera ematen du eta hori funtsezkoa izan daiteke etorkizuneko lan-elkarrizketa bati aurre egiteko.
2. Atzerriko praktika batek kurrikulumari mesede egiten dio
Lan-mundura sartzear gaudenean, oso garrantzitsua da kurrikuluma eta, aldi berean, ezinbestekoa izango da lan horretan izen eman duten pertsonen artean nabarmentzea.
Kurrikulumarekin nabarmentzeko modurik onenetariko bat atzerrian ikastea da; izan ere, enpresa batentzat hautagai batek atzerrian praktikak egin dituela edo truke-programa batean parte hartu duela ikusten duenean, kontratatua izateko aukerak areagotzen ditu; hautagaiak enpresa horren arrakasta bermatzeko ahalegin gehigarria egingo duela erakusten baitu.
3. Adimena zabaltzeko aukera ematen du
Atzerriko herrialde batera joan eta LH han ikastea bizitza aldaketa bat da. 6 hilabeteko praktika batzuek ere pertsona baten alderdiak deskubritu ditzakete, berak ere ez dakizkienak. Helburu nagusia ikastea edo lan egitea den arren, ez da aukera paregabea galdu behar kultura eta pertsona berriei esker norberaren adimena zabaltzeko eta ikuspuntu berriak izateko.
4. Kontaktu profesionalak handitzeko aukera ematen du
Atzerrira ikastera joatea pentsatzen duzunean, ziur asko esperientzia desberdin ugari imajinatuko dituzu eta esperientzia horiek guztiek profesionalki mesede egin diezaiokete norberak uste baino alderdi gehiagotan.
Norbera ohituta dagoen horretatik haratago joateak eta horrela lan egiteak sare profesionala modu askotara zabaltzeko aukera ematen du, lehendik zeuden trebetasunei esperientzia gehiago atxikituz.
Era berean, ikasleen erakundeetan parte hartzeak lan-esparru bereko beste pertsona batzuekin harremanetan egoteko eta lan-munduan preziorik ez duen eta etorkizunari begira oso onuragarria izan daitekeen kontaktu profesionalen ingurune bat eratzeko aukera ematen du.
5. Beste hizkuntza batzuk hobeto ezagutzeko aukera ematen du
Lan-elkarrizketa batean beste hizkuntza batean zuzen defendatu ahal izatea edo beste herrialde bateko tokiko pertsonekin hitz egiteko gai izatea, beste arrazoi batzuk izan litezke atzerrian praktikak egin izana garrantzitsua eta oso baliagarria izateko.
Beste herrialde bateko egonaldian, LHn hizkuntza-ikastaroak egiteak, edo, besterik gabe, lagun berriak egiteak eta leku berriak ezagutzeak hizkuntza baten ezagutza handitzea ahalbidetzen du. Herrialdearen arabera, hizkuntza bat baino gehiago ikasteko aukera ere badago, hiri asko hizkuntzen fusio gune bihurtu baitira. Batzuetan, ingeleseko hiztun ez-natiboek hizkuntza ikasten dutenean erabiltzen dituzten metodoak ulertzea baliagarria izan daiteke trikimailuak gogoratzeko edo ikasteko.
Atzerrian praktikak egiteko arrazoietako batzuk jakin ondoren, ezinbestekoa da horri buruzko informazio gehiago biltzea Stud & Globe, bezalako webguneen bidez, non mundu osoko lan-eskaintzak jasotzen diren.
Zalantzak dituzu? Ezagutu nahi gaituzu? Jarri gurekin harremanetan!
