Monte Albertia | ERASMUSEN GAUDE!!!

/0 Comments/in /by

Ikasturte honetan Monte Albertiak hamalau egonaldi egin ditu atzerrira Erasmus bekei esker. Estonia, Frantzia eta Txekiar Errepubikako hirietan egiten ari dira egonaldia. Guztiek abentura ikaragarria bizitzen ari dira! Ikasitakoa euren alorrean praktikan jartzen ari dira, oso motibatuak daude, eta esperientziak eskaintzen dien aukera guztiak aprobetxatzen ari dira.

Egiten duten ahalegin bakoitzak, burutzen duten zeregin bakoitzak, euren etorkizun profesionalera hurbiltzen ditu. Eta hori guztia, beste herrialde batean bizitzen eta disfrutatzen duten bitartean!

Zorionak denoi!!

 

¿Tienes dudas? ¿Quieres venir a conocernos? Contáctanos

ZATOZ! Lanbide heziketako azoka

/0 Comments/in , /by
Aurten ere Monte Albertia LHIIk, ZATOZ! Urola Kosta eta Urola Erdia bailarako Lanbide Heziketa azokan parte hartu du.

Goiz partean eskualdeko ikastetxe ezberdinetako DBH eta Batxilergoko 650 ikasle izan ditugu bisitan. Bertan Lanbide Heziketa ezagutu eta ziklo ezberdinetako informazioa jaso dute. Oso aberasgarria izan da bertara gerturatu diren pertsonentzat aurrez aurre ikastetxean egunerokotasunean ikasleek egiten dituzten lanak ikusteko aukera izan dutelako.

PreviousNext
1234

Arratsaldean berriz, saioa interesa izan duten herritar guztiei zabalduta egon da. Horretaz gain, Laura Prada Ikaskuntza-Bitartekaria orientazio saioak ematen aritu da.

Jardunaldia eraginkorra eta etorkizunean emankorra izango delakoan, mila esker gerturatu zareten guztioi!!!!!!!!!!!!

 

Zalantzarik al duzu? Ezagutu nahi gaituzu? Jarri gurekin harremanetan

Lanbide-praktiken garrantzia eta formatu duala laneratzeko orduan

/0 Comments/in , /by

Monte Albertia Lanbide Heziketako Zentroan badakigu gure ikasleek prestakuntza amaitu ondoren enplegua aurkitzeko gakoetako bat esperientzia praktikoa dela. Praktika profesionalek aukera ematen diete ikasleei eskuratutako ezagutzak benetako lan-ingurune erreal batean aplikatzeko, etorkizuneko karreran ezinbestekoak zaizkien trebetasunak garatuz. Esperientzia horrek konfiantza handitzeaz gain, abantaila ere ematen die lan-merkatuari aurre egitean.

PreviousNext
1234

Ikasgelako prestakuntza eta sektoreko enpresetako lana uztartzen dituen formatu duala ikasleak prestatzeko metodologia eraginkorrenetako bat da. Eredu horren bidez, gazteek prestakuntza integralagoa jaso dezakete, harreman zuzena baitute merkatuaren beharrekin eta eskaerekin. Gainera, ikasten ari diren bitartean enpresa batean lanean ari direnez, harreman profesionalen sare bat sortzeko aukera izango dute, heziketa-zikloa amaitzean laneratzea erraztuko diena.

Monte Albertian, gure ikasleei teoria eta praktika uztartzen dituen prestakuntza integrala eskaintzeko konpromisoa hartu dugu. Praktika profesionalei eta formatu dualari esker, gure ikasleek beren ezagutzak zabaltzeaz gain, lan-merkatuan sartzea errazten dien esperientzia erreala ere eskuratzen dute. Erronka profesionalei aurre egiteko orduan, aukera horrek aukera ematen die hobeto prestatuta egoteko, irudi pertsonalaren sektorean kontaktu baliotsuak ezartzen dituzten bitartean.

 

Zalantzarik al duzu? Ezagutu nahi gaituzu? Jarri gurekin harremanetan

On-kologia 360º jardunaldi zientifikoa: Lanbide heziketa onkologia-ongizatearen zerbitzura

/0 Comments/in , /by

Donostia, 2025eko martxoaren 10a. On-kologia 360º: Minbizia zaintzen eta bizitzen jardunaldi zientifikoak aditu ugari bildu ditu gaur Donostiako Eraikin Onkologikoan, minbiziak jotako pertsonen ongizate integrala lantzeko. Lanbide Heziketako Sailburuordetzak sustatu du ekimena, eta Monte Albertia, Plaiaundi, Inmakulada eta ESCIVI Lanbide Heziketako ikastetxeek garatu dute. Jardunaldian, Gipuzkoako Minbiziaren Aurkako Elkartea, Katxalin, Asgicer, Aspanogi, Agadelprise, Iñurri eta Osakidetza bezalako elkarteen lankidetza izan da.

Ekitaldiaren inaugurazio ofiziala Lanbide Heziketako Sailburuordetzako Eraldaketa Digital eta Ikaskuntza Aurreratuen Zuzendari Inge Gorostiagak, Osasun Sailburuordetzako Osasun Eraldaketa, Plangintza eta Digitalizazio Zuzendari Gontzal Tamayok eta Gizarte Zerbitzuen, Komunitate Ekintzaren eta Auzoen Zinegotzi Ordezkaria Maria Jesus Idoetak egin dute, eta jardunaldiaren antolatzaileei eskerrak eman dizkiete, minbizia duten pazienteen ongizatea ardatz duen ekimen bat aurrera eramateagatik.

PreviousNext
123

Jarraian, Laura Basterretxea Badiolak, Gipuzkoako Onkologiako GKUko onkologoak, gaixotasuna testuinguruan jarri du, eta horri buruzko datuak eman ditu.

Jardunaldia lau bloke nagusitan egituratu da, pazienteen ongizatea hobetzeko helburuarekin:

◦ Ongizate psikologikoa: Maite Arrillaga psikiatrak, Paula Reguera psikologoak eta Alazne Apalantza fisioterapeutak minbiziari aurre egiteko emozionalki erresilienteak izateko gakoak azaldu dituzte.
◦ Ongizate fisikoa: Silvia Lobato erizainak, Garbiñe Aizpuru nutrizionistak, Olatz Etxebeste eta Jurgi Zulaika fisioterapeutek, eta Jon Madinabeitia kirol hezitzaileak ariketa fisiko egokitua, elikadura eta tratamenduetan zehar gorputzaren zaintza nola egin azaldu dute.
◦ Irudi pertsonala: Verónica Cazalis estetistak, Patxi Díaz Luis Díaz ileordeen jabeak eta Eugenia Arrieta mikropigmentazio espezialistak, pazienteen irudia eta autoestimua hobetzeko teknikak eskaini dituzte.
◦ Gizartean sareak sortzen: Bloke honetan, Maddi Saizarbitoria gizarte-langileak eta aurretik aipatutako elkarteetako ordezkariek laguntza sareen garrantzia azpimarratu dute. Horrez gain, paziente eta senideek ere parte hartu dute.

Jardunaldi hau abiapuntu izan da etorkizunean argitaratuko diren baliabide praktikoak garatzeko, eta hauek webgunean eskuragarri egongo dira: www.onkologia360.com. Gainera, hurrengo asteetan minbizia duten pazienteei eta senideei zuzendutako tailer espezializatuak antolatuko dira.

Ekitaldi honek erakusten du Lanbide Heziketak konpromiso soziala eta berrikuntza osasunaren zerbitzura jarri nahi dituela, eta bere ikasketa-zikloetan minbizia duten pertsonei laguntzeko ezagutza txertatzen ari dela.

📍 Informazio gehiago: www.onkologia360.com

 

Zalantzarik al duzu? Ezagutu nahi gaituzu? Jarri gurekin harremanetan

Martxoak 8 emakumearen nazioarteko eguna

/0 Comments/in /by

Askotarikoak dira gure jendartean eskubide urraketak eta Monte Albertia LHko zentruan kontziente gara sexua, generoa, klasea, arraza, adina edota aldagai ezberdinen ondorioz diskriminazio egoerak bizi ditugula egunerokoan.

Hori dela eta M8, nazioarteko emakume langileen eguna aitzaki hartuta ikastetxean feminismo antiarrazistaren inguruan hausnartzeko tartea hartu dugu aurten. Emakundeko kanpainak dion moduan “Ni feminista naiz” leloarekin bat egiten dugu eta azken urteotan antiarrazistak diren feministen ahotsak, ideiak nahiz hausnarketak eskolara ekarri nahi izan ditugu. Feminismoa egiteko bide, begirada eta ulermen ugari baitaude.

Bizikidetza eta berdintasuna lan taldean gaian sakontzeko irakurgai interesgarria proposatu dugu: “Hija de inmigrantes”. Safia El Aadman egileak idatzitako eleberri esanguratsua. Bera idazle eta aktibista gaztea da, sareetan @hijadeinmigrantes gisa kolaboratzen du eta arrazismoaren kontrako kanpaina sozial ugari martxan jarri ditu azken urte hauetan: besteak beste, #votaresunderecho, #tecedomivoto, #votaresunprivilegio, #tecedounacita, #compraantirracista eta gisakoak. Berak dioen moduan: “ me he dado cuenta que la asimilación ha sido una de las consecuencias del racismo que vivimos muchas hijas de inmigrantes. Por eso, creo importante reivindicar mi identidad como amazigh y defiendo mis raíces.”

Izan ere, sustraiak garrantzitsuak dira guztiontzat eta hari horri tiraka, Monte Albertiako komunitateko kideen jatorria(k) ikertzeko galdetegia sortu dugu. Modu horretan, gure eskola zein/zenbat herrialderekin dagoen elkarlotua jakin nahi dugu, zenbat hizkuntza ezagutzen ditugun bertan, zein den eskolako eleaniztasun egoera. Horrez gain, gure eskolako partaideek pairatzen dituzten diskriminazio eta eskubide urraketak ezagutu nahi ditugu, bertakoen eta atzerritik etorritakoen artean dauden aldeak ezagutu eta jabetu.

Oraingo honetan, eleberri interesgarri hau irakurtzea proposatzen dizugu eta feminismoan nahiz berdintasun gaietan murgiltzera deitu: parte hartu Martxoak 8ko ekimenetan, segi dezagun berdintasuna ereiten.

Zalantzarik al duzu? Ezagutu nahi gaituzu? Jarri gurekin harremanetan

Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

/0 Comments/in , , , /by

«Balanauldien arteo laturak sustatzen»

Estetika eta Edergintzako erdi mailako ikasleek belaunaldien arteko lotura sustatu dute Zarautzeko San Ana Egoitzan manikura solidarioak eskainiz.

Jarduera honi esker, ikasleek beren trebetasunak praktikan jartzeaz gain, belaunaldien arteko truke baliotsua ere sustatu dute.

Ikasleek egoiliarrei eskuak edertzea aitzakia hartuta balioetan murgildu ziren generazioen arteko lotura sustatuz. Bertan bizitako elkarrizketa eta maitasun partekatua nabarmentzekoa izan zen. Egoiliarrek erlaxazio- eta ongizate-une batez gozatu zuten, eta ikasleak, aldiz, beren istorioetatik eta bizitza-esperientzietatik ikasteko aukera izan zuten.

PreviousNext
123
“Esperientzia aberasgarria izan da bi aldeentzat. Gure teknikak hobetzeaz gain, adinekoei laguntzeko eta entzuteko poza ere sentitu dugu”, adierazi du ikasleetako batek.

Horrelako ekimenek edertasuna giza konexiorako zubia izan daitekeela erakusten dute, belaunaldien arteko elkartasuna eta errespetua sustatuz. Zalantzarik gabe, jarduera honek guztioi utzi digu arrastoa. Itzuliko gara!

Zalantzarik al duzu? Ezagutu nahi gaituzu? Jarri gurekin harremanetan

Irudi Pertsonalaren eta Korporatiboaren Aholkularitzako ikasleak Monte Albertiaren izen aldaketan parte hartu dute

/0 Comments/in , , /by

Irudi Pertsonalaren eta Korporatiboaren Aholkularitzako heziketa-zikloko ikasleek modu aktiboan parte hartzeko aukera izan dute Monte Albertia ikastetxearen izen aldaketako prozesuan. Proiektu hau Ekintzailetza Gelak programaren parte da, Europar Batasunak – NextGeneration EU – finantzatutako ekimena, ikasleengan sormena, berrikuntza eta ekintzailetza sustatzea helburu duena.

Ikasleek Sorland komunikazio agentziarekin lankidetzan lan egin dute, marka sortzen adituak baitira eta identitate korporatiboa garatzeko eta diseinatzeko esperiantzia hau prozesu aberatsa izan da. Hiru saiotan zehar, ikasleek brandingari, irudi korporatiboari eta komunikazio-estrategiei buruzko ezagutzak aplikatu dituzte, ikastetxearen norabide berrian ekarpena eginez.

Lehenengo saioan informazioa lortu eta egoera aztertu zen, eta ikasleek erakundearen nortasuna eta balioak sakon ezagutzeko aukera izan zuten. Bigarren saioan, ikasleek taldean lan egin zuten ikastetxearen funtsa islatuko zuten sormen-proposamenak sortzeko, eta hirugarren eta azken saioan, berriz, marka berria definitu zen, ideia nabarmenenak sendotuz.

Proiektu horri esker, ikasgelan ikasitakoa praktikan jartzeaz gain, erakundeak eraldatzeko eta berritzeko prozesu erreal batean zuzenean parte hartu ahal izan dute ikasleek.

 

Zalantzarik al duzu? Ezagutu nahi gaituzu? Jarri gurekin harremanetan

ZATOZ! Lanbide heziketa eta enplegu azoka

/0 Comments/in /by

«Urola Kosta eta Urola Erdia eskualdeko eskaintza ezagutzeko hitzordua, martxoaren 12an»

  • Goizeko 10:00etatik 17:00ak bitartean Elkarguneko (Azkoitian) aretoan izango da azoka eta Urola Kosta eta Urola Erdiko Lanbide Heziketen zein Garapen Agentzien eta Lanbide – Euskal Enplegu Zerbitzua-ren eskaintza ezagutzeko aukera izango duzue.
  • Azokaren helburu du aipatutako bi eskualdeetako Lanbide Heziketa, enplegurako prestakuntza eta enplegu eragileen eskaintza ezagutaraztea da.

Datorren martxoak 12an, Azkoitiko Elkargunea Lanbide Heziketaren eta Enpleguaren agertoki bilakatuko da, ZATOZ! Lanbide Heziketa eta Enplegu Azoka. Aurtengoan, bigarren edizioa izango da. Aurreko urtean lehen edizioa Zarautzen ospatu zen.

ZATOZ! Azokako irudiak 2024

Azoka hau ere Urola Kosta eta Urola Erdiko Lanbide Heziketako ikastetxeek, Garapen Agentziek eta Lanbide-Euskal Enplegu Zerbitzuak antolatu dute, elkarlanean, talentuaren sorrera, erakartzea eta mantentzea sustatzeko.

Hori horrela, goizean, Lanbide Heziketan interesa duten ikasleek hartuko dute parte, 10:00etatik 14:00etara, eta arratsaldean, berriz, langabe dauden edo lana hobetzekotan ari direnei zuzenduta egongo da, 17:00arte. Bi eskualdeetako Lanbide Heziketen zein Garapen Agentzien eta Lanbide-Enplegu Zerbitzuak eskaintza ezagutzeko aukera egongo da. Horretarako 8 eragile desberdin egongo direlarik.

Azoka herritar orori irekia izango da, horrenbestez, langabezian daudenak, lanean ari direnak edota informazio gehiago eskuratu nahi duten pertsonak gertura daitezke, gazte, heldu zein gurasoak.

ZATOZ! Azokako irudiak 2024

Gazteen parte-hartzea bermatuta

Urola Erdiko eta Urola Kostako DBH eta Batxilergoko ikasleak goizean zehar gerturatuko dira ; horretarako ikastetxeekin koordinazio lanak egin dira txandak eskainiz. Hori horrela, azokatik ia 600 gazte pasatzea aurreikusten da (Antoniano Ikastetxea, Azkoitia BHI, Floreaga Salestar Ikastetxea, Ikasberri Azpeitiko Ikastola, Iraurgi Ikastetxea, La Salle Ikastetxea, Lizardi BHI, Orioko Herri Ikastola, Oteitza Lizeo Politeknikoa, Salbatore Mitxelena Ikastola, Zaragueta Herri Eskola, Zumaiena Ikastetxea, Zumaia BHI, Urola BHI).

 

Langile edo-ta lan bila dabiltzanentzat Etengabeko Prestakuntza Zerbitzua eta ikastaro eta lan eskaintza aukerak. 

Era berean, azokan bertan etengabeko prestakuntzarako aholkularitza jaso ahal izango da. Bertan, Lanbideko ziurtagiriak eskuratzeko, Konpetentzien aitorpena egiteko, ikastaro ezberdinen eta lan eskaintzen informazioa jaso ahal izango da.

ZATOZ! Azokako irudiak 2024

Azokako parte-hartzaileak

  • Iraurgi Berritzen Urola Erdiko Garapen eta Berrikuntza Agentzia
  • Urola Kostako Udal Elkarteko Garapen Agentzia
  • Lanbide- Euskal Enplegu Zerbitzua
  • Monte Albertia LHII
  • Oteitza Lizeo Politeknikoa
  • Zumaia BHI
  • Oinarrizko Lanbide Heziketa: soldadura
  • Izarraitz Lanbide Heziketa LHII
  • Aiala Sukaldaritza ikastetxea

Informazio gehiagorako

Maialen Ituarte Alustiza

Email: enpleguzentroa@iraurgiberritzen.eus

Telf.: 943 85 11 00

Zalantzarik al duzu? Ezagutu nahi gaituzu? Jarri gurekin harremanetan

San Sebastián eguna

/0 Comments/in , , /by

Gure ikastetxeko erdi mailako Ile-apainketako  taldeekin Azpeitian izan gara San Sebastian eguneko haurren danborradarako apainketa lanak egiten udaletxeko aretoan. Inklusibitatea eta partaide guztiek apaintzeko aukera berdinak izateko helburuarekin sortu da ekintza hau Azpeitiko Udalarekin, Iraurgi Ikastetxearekin, Karmelo Etxegarai Ikastolarekin, Azpeitiko Ikastola Ikasberrirekin, Azpeitiko Musika Eskolarekin eta Itsasi Dantza Taldearekin elkarlanean.

Zalantzarik al duzu? Ezagutu nahi gaituzu? Jarri gurekin harremanetan

Termalismoko eta ongizateko goi-mailako ternikaria

/0 Comments/in , , /by

2024-2025 ikasturte honetan, Monte Albertiako Termalismo eta Ongizateko goi-mailako zikloklo ikasleen lehen promozioak bukatuko du.

Ziklo hau ongizatearen, osasunaren eta termal baliabideen arloko profesionalak prestatzeko zuzenduta dago, spa, bainuetxe, osasun eta ongizate zentroetan lan egiteko gaitasuna emanez.

Irailetik hasita, gure ikasleek prestakuntza gehigarriak egin dituzte yoga, nutrizioa eta zoru pelbikoan, dagozkien moduluez gain.

Era berean, herritarrentzat tailerrak ireki dira masejeekin zein drainatzen linfatikoarekin.

Eta nabarmentzekoa da urtarrilaren amaieran erronka bat egin dutela/egingo dutela, orientazio-proba batekin amaituko dena.

Zergatik ikasi Termalismo eta Ongizatea?

Osasun eta ongizate turismoa hazkuntzan dagoen sektorea da, bai gure inguruan baita nazioartean. Jendeak gero eta gehiago bilatzen ditu tratamendu natural eta eraginkorrak, bere gorputza zein ongizate emozioanal zaindu ahal izateko, eta horrek sektore honetan lan egiteko aukera ugari eskaintzen dizkie profesionalei.

Izena eman orain!

Ongizatea maite baduzu eta sektore hazkor batean profesional gisa garatzeko aukera nahi baduzu, ez izan zalantzarik eta izena eman ziklo honetan. Plaza mugatuak dira, beraz, ziurtatu zure matrikula ahalik eta azkarren egitea.

Programa eta izen-emate prozesuari buruzko informazio gehiago lortzeko, bisitatu gure webgunea edo jarri gurekin harremanetan.

Animatu zaitez eta hasi zure bidea termalismo eta ongizatearen munduan!

Zalantzarik al duzu? Ezagutu nahi gaituzu? Jarri gurekin harremanetan