Martxoak 11n eta 13an, Monte Albertiako goi eta erdi mailako ile-apainketako ikasleek Zarauzko Salbatore Mitxelena Ikastolako Lehen Hezkuntzako 4. mailako ikasleak hartu zituzten bezero gisa, elkarlanean, “Zu zeu zuzendari” erronkari aurre egiteko. Giro ederrean aritu ziren guztiak.
Irudi pertsonalaren eta korporatiboaren aholkularitzako lehen mailako ikasleek Balenciaga museoa bisitatu dute. Bertan, diseinatzailearen bizitzara gerturatu, jantzi desberdinak ikusi eta horiek sortzeko egiturak ulertu dituzte. Gainera, Chillidaren lana ezagutzeko aukera ere izan dute, eskulturaren eta modaren arteko loturaz jabetuz. Esperientzi aberasgarria eta didaktikoa izan da.
Milaneko irudi pertsonaleko enpresa ezberdinetan egingo dute Erasmus praktikaldia Monte Albertiako 10 ikaslek. Ikasle hauek ziklo desberdinetakoak dira, Estetika Integral eta Ongizatea, Ile-Apainketa eta -Kosmetika eta Irudi Pertsonalaren eta Korporatiboaren Aholkularitza zikloetakoak, alegia. Ilusio handiz ekin diote erronka berri honi. Zorte ona opa dizuegu!
