ILE-APAINKETAKO, ESTILISMOKO ETA ZUZENDARITZAKO GOI MAILAKO TEKNIKARIA
ILE-APAINKETAKO ETA KOSMETIKAKO TEKNIKARIA
ERASMUS +
EUSKOSKILLS-EKO IRABAZLEA & SPAINKILLS-EN PARTEHARTZAILEA
PATRICIA ALLENDE
ESTETIKA INTEGRAL ETA ONGIZATEKO GOI MAILAKO TEKNIKARIA
ILE-APAINKETAKO ESTILISMOKO ETA ZUZENDARITZAKO GOI MAILAKO TEKNIKARIA
ILE-APAINKETAKO ETA KOSMETIKAKO TEKNIKARIA
“Monte Albertian oso ondo sentitu naiz hasieratik. Ikasketak, esperientzia eta lagunak ekarri dizkit. Prestakuntza Dualari esker, esperientzia lortu dut eta bezeroekin tratatzen ikasi dut. Faktore horiek oso baliagarriak dira lanera irteteko.”
ARAITZ IRIGOIEN
ILE-APAINKETAKO ESTILISMOKO ETA ZUZENDARITZAKO GOI MAILAKO TEKNIKARIA
ILE-APAINKETAKO ETA KOSMETIKAKO TEKNIKARIA
HEZIKETA DUALA
ESTETIKA ETA EDERGINTZA TEKNIKARIA
ESTETIKA INTEGRAL ETA ONGIZATEKO GOI MAILAKO TEKNIKARIA
HEZIKETA DUALA
EUSKOSKILLS-EKO IRABAZLEA & SPAINKILLS-EN PARTEHARTZAILEA (BRONTZEZKO DOMINA)
1. ELKARRIZKETA
KOLDO ARANBURU
ILE-APAINKETAKO, ESTILISMOKO ETA ZUZENDARITZAKO GOI MAILAKO TEKNIKARIA
ILE-APAINKETAKO ETA KOSMETIKAKO TEKNIKARIA
ERASMUS +
EUSKOSKILLS-EKO IRABAZLEA & SPAINKILLS-EN PARTEHARTZAILEA
Nola ikusi duzu zure burua Monte Albertian?
Oso eroso egon naiz. Monte Albertia asko gustatzen zait, iaztik etxean bezala sentitu naiz.
Zer eman dizu Monte Albertia zentroak?
Lan-esperientzia eta nire buruarengan segurtasuna.
Zergatik aukeratu zenuen Monte Albertia ikasketa hauek egiteko?
Eskola etxetik nahiko gertu dago eta koadrilako bik Ile-apainketa ikasten ari ziren ni hona etorri aurretik, beraz, eskolako berri ere banuen. Argi neukan hemen ikasi nahi nuela.
Erasmus bekari esker Parisen egon zinen. Zer moduzko esperientzia oroitzen duzu?
Oso ona. Enpresa batek atzerrian duen esperientzia probatu nahi nuen. Gainera, Monte Albertian dena antolatzen dizute eta aukera izan nuenean, ez nuen zalantzarik izan. Ez naiz hartutako erabakiaz damutzen.
Zure garapenari dagokionez, zer eman dizu Erasmus bezalako beka batek? Garrantzitsua izan da?
Autonomia handia. Egunerokotasunean independentzia. Pisuan 4 ikasle geunden arren, bakoitzak ile-apaindegi batean egiten genituen praktikak. Oso garrantzitsua dela uste dut, asko ikasi nuen esperientzia honekin.
Zer nabarmenduko zenuke Euskoskills eta Spainskills txapelketetan lortutako esperientziatik?
Esperientzia hau edonori gomendatzen diot, parte-hartzaileei laguntzeko prest egongo nintzateke, ahaztezina izan da. Txapelketa aurreko prestakuntza azpimarratuko nuke, asko ikasi dut, batez ere nire buruaz, bakarrik lehiatu behar izan dut eta.
Zer ekarri dizu Skillsen egin duzun ibilbideak?
Txapelketa hauetan autonomia landu dut presiopean lan egiten ere ikasi dut. Lanean %100 kontzentratuta egoten.
Monte Albertia gomendatuko zenuke? Zergatik?
Noski. Irakasleen hurbiltasunagatik, jasotako prestakuntzagatik, bezeroei arreta egokia ematen irakasteagatik eta jasotako esperientziagatik.
Monte Albertiako ibilbidearen zein bi gauza nabarmenduko zenituzke?
Bezeroekiko harremana eta ikasten jarraitzeko gogoa.
2. ELKARRIZKETA
LEIRE CABALLERO
ESTETIKA ETA EDERGINTZA TEKNIKARIA
ESTETIKA INTEGRAL ETA ONGIZATEKO GOI MAILAKO TEKNIKARIA
HEZIKETA DUALA
EUSKOSKILLS-EKO IRABAZLEA & SPAINKILLS-EN PARTEHARTZAILEA (BRONTZEZKO DOMINA)
Nola ikusi duzu zure burua Monte Albertian?
Hasiera-hasieratik inguruko pertsona guztiak gertukoak zirela sentitu nuen. Laguntza behar izan dudan guztietan norbait gertu zegoen. Oso estimatua eta maitatua sentitu naiz.
Zer eman dizu Monte Albertia zentroak?
Nire buruarengan konfiantza izaten lagundu dit. Jakina, ikasteko asko dagoela eta lan egiteko modu desberdinak daudela ikusarazi dit.
Zergatik aukeratu zenuen Monte Albertia ikasketa hauek egiteko?
Oso ondo hitz egin zidaten zentroaz. Hasieran, etxetik urrun egoteak atzera botatzen zidan, baina zentro berean goi-mailako eta erdi-mailako zikloak egiteko eta hauek gainera euskaraz emateko aukera nuenez, Monte Albertia aukeratu nuen bi aldiz pentsatu gabe. Ez naiz damutzen.
Erasmus bekari esker Maltan egon zinen. Zer moduzko esperientzia oroitzen duzu?
Hasieran beldur asko nituen ohituretara eta janarira egokitzeko, dena berria zen. Gainera, ni adingabea nintzen eta inoiz ez nuen hainbeste denboran bakarrik eman. Gaur egun esperientzia hura gogoratzen dudanean, une eta esperientzia politak besterik ez datozkit burura, berriro egingo nuke.
Zure garapenari dagokionez, zer eman dizu Erasmus bezalako beka batek? Garrantzitsua izan da?
Erasmus+ bekarekin inoren laguntzarik gabe aurrera egiten eta autonomoagoa izaten ikasi dut. Gainera, nire ingelesa maila ere nabarmenki hobetu dut. Nire ustez denok izan beharko genuke Erasmus bezalako beka bat ikasteko aukera; esperientziaz gozatzeko baina, batez ere, norberaren burua ezagutu eta garatzeko.
Zer nabarmenduko zenuke Euskoskills eta Spainskills txapelketetan lortutako esperientziatik?
Ikasitako guztia eta irakasleen laguntza azpimarratuko nituzke. Irakasleak nigan pendiente egon izana edota gauza batzuk espreski niretzat azaltzea… ikaskuntza intentsibo bat izan zen. Irakasle guztiek laguntzen zidaten eta beren animo eta atentzioak benetan ez du preziorik, batez ere nire Skills tutore Nagore azpimarratu nahiko nuke.
Zer ekarri dizu Skillsen egin duzun ibilbideak?
Skillsen partaidetza eta lortutako postua, bai Euskoskillsetan eta baita Spainskillsetan, nire kurrikuluma indartzen eta sustatzen lagundu dit. Gainera, gaur egun lanean nabilela, asko nabaritzen dut beti perfekzioaren bila ibiltzen naizela. Puntualtasuna ere betetzen dudan faktorea da eta uneoro, tartetxoetan espazioa txukuntzeari ekiten diot. Teknikoki ere asko nabaritzen dut, irakasle bakoitzak emandako trikimailu guztiak ere praktikan jarri ditzaket gaur egun.
Zer ekarpen egin dizu heziketa dualak zure ikasketa-ibilbidean?
Eskolan beti gauzak ondo egiten eta txukuna izaten irakasten digute. Egia da bezeroez ere arduratzen garela eta lan-munduarekin harremanetan jartzeko aukera izaten dugula, baina, azken finean, lan-munduan praktikoa eta azkarra izaten lortu dut. Heziketa Dualak irakatsi dit hori eta horri esker, esperientzia handia jaso dut enpresan.
Heziketa dualak eraginik izan al dezake zure karrera profesionalean?
Noski. Dualean, ikasteaz gain, oso garrantzitsua da gauzak ondo eta ordenaz eramatea, zure arduradunek ikasteko eta lan egiteko prest zaudela ikusi behar dute. Enpresan denbora bat eman ondoren, lanean ondo ari zarela ikusarazten baduzu, beste enpresa batzuek zutaz ondo hitz egitea lortu dezakezu eta leku gehiagotan aukerak lortu ahal izango duzu.
Monte Albertia gomendatuko zenuke? Zergatik?
Zalantzarik gabe, nire kasuan estetika izan da eta uste dut ikasteko zentrorik onena dela. Lehen unetik gogoa duzula ikusten dutenean, ikastetxeko kide guztiek asko laguntzen dizute, aukera berriak ematen dizkizute eta esperientzia desberdin asko bizitzeko aukera ematen dizute. Egun txar bat behar nuenean edo laguntza behar izan dudanean beti egon da norbait laguntzeko prest eta zure animoak igotzen, eta horrek niretzat ez du preziorik. Irakasle guztiek hurbiltasuna eta konfiantza transmititzen dute eta horrek hasieratik babes handia eman dit.
Monte Albertiako ibilbidearen zein bi gauza nabarmenduko zenituzke?
Oso zaila egiten zait bi gauza bakarrik nabarmentzea, egia esan, gauza on asko eramaten ditut Monte Albertiatik. Aukeran, Spainskillsen ibilbide osoa (entrenamendua, gaitasuna eta ondorengo ospakizuna) eta, oro har, irakasle guztiekin izan dudan kidetasunarekin gelditzen naiz. Dudarik gabe, nire ikasketen lau urterik onenak Monte Albertian eman ditut!
3. ELKARRIZKETA
PATRICIA ALLENDE
ESTETIKA INTEGRAL ETA ONGIZATEKO GOI MAILAKO TEKNIKARIA
ILE-APAINKETAKO ESTILISMOKO ETA ZUZENDARITZAKO GOI MAILAKO TEKNIKARIAL
ILE-APAINKETAKO ETA KOSMETIKAKO TEKNIKARIA
Nola ikusi duzu zure burua Monte Albertian?
Monte Albertia ikastetxean oso gustura sentitu naiz, une oro ikasteko gogoz. Zentroko langileen aldetik hurbiltasun handia sentitu dut eta hori oso alderdi positiboa izan da niretzat; azken finean, han ematen ditut asteko bost egunak eta atetik sartzen naizen unetik badakit beti irribarre batekin hartuko nautela. Goxotasun handiz tratatzen naute eta oso mimatua sentitzen naiz.
Zer eman dizu Monte Albertia zentroak?
Nire kasketak egiteko Monte Albertia zentroa aukeratu nuen batez ere nire arrebak bertan ikasi zuelako, oso gustura egon zelako eta prestakuntza akademikoari eta lan-munduari begira oso ondo prestatuta atera zelako . Hori izan zen arrazoi nagusia eta ez naiz batere damutzen.
Hirugarren ziklo bat egiten ari zara, 6 ikastaro egingo dituzu Monte Albertian, azaldu pixka bat zure esperientzia.
Bai, jada bost urte igaro dira eta jende askok esaten dit: “Jo, bost urte eman dituzu ikastetxe berean? Eta Ondarroatik Zarautzera joateko gogoa duzu oraindik? “Nik barre handi batekin baietz esaten dut, nire bigarren etxea balitz bezala delako eta beste ikastetxe batzuetan, ez dizutelako ikastetxe honetan ematen dizuten hurbiltasuna ematen. Erdi eta goi mailako ile-apainketako bi zikloak egin ditut, eta orain goi mailako estetika zikloa egiten ari naiz.
Nire esperientzian dena da positiboa, atzerrian praktikak egiteko aukera izan dut, erdi mailan nengoenean Maltara joan nintzen hilabete baterako eta beste bi hilabeteak Gipuzkoako ile-apaindegi batean egon nintzen. Gero ile-apainketako goi mailako zikloa egin nuenean, Italiara joateko aukera izan nuen hiru hilabeterako. Jende askok atzera egiten du Erasmusen gaiarekin baina nik beti animatzen dut jendea atzerrira joaten, pertsonalki asko ikasten duzulako, autonomia lortzen duzulako, indartu egiten zarelako, hizkuntza hobetzen duzulako eta aberastu egiten zarelako.
Monte Albertia gomendatuko zenuke? Zergatik?
BAIIIIII!!!!!! Mila aldiz gomendatuko nuke Monte Albertia, batez ere hurbiltasunagatik eta konfiantzagatik eta prestakuntza akademiko-laboralagatik.
Beste ziklo bat aterako balute, zalantzarik gabe, ikasteko apuntatuko nintzateke, bost urte hauetan oso zoriontsua izan naiz eta azken urtean egoteak pena handia ematen dit.
Monte Albertiako ibilbidearen zein bi gauza nabarmenduko zenituzke?
Alde batetik, eskolan ematen dizuten hurbiltasuna eta konfiantza.
Bestetik, esparru akademikoan eskaintzen dizkizuten aukera guztiak. Adibidez: atzerriko praktikak, Heziketa Duala (ikasten ari zaren bitartean lan egiteko aukera), Euskoskillsa…
4. ELKARRIZKETA
ARAITZ IRIGOIEN
ILE-APAINKETAKO ESTILISMOKO ETA ZUZENDARITZAKO GOI MAILAKO TEKNIKARIA
ILE-APAINKETAKO ETA KOSMETIKAKO TEKNIKARIA
HEZIKETA DUALA
Nola ikusi duzu zure burua Monte Albertian?
Hasieratik primeran.
Zer eman dizu Monte Albertia zentroak?
Ikasketak, esperientzia, lagunak…
Zergatik aukeratu zenuen Monte Albertia ikasketa hauek egiteko?
Gertutasunagatik
Erasmus bekari esker Maltan egon zinen. Zer moduzko esperientzia oroitzen duzu?
Esperientzia hartzea, bezeroekin tratatzen jakitea, ile-apaindegi batean lan egiteak zer esan nahi duen sentitzea.
Ekarpen egin dizu heziketa dualak zure ikasketa-ibilbidean?
Bai, eragin handia izan dezake
Zer nabarmenduko zenuke Euskoskills eta Spainskills txapelketetan lortutako esperientziatik?
Ikasitako guztia eta irakasleen laguntza azpimarratuko nituzke. Irakasleak nigan pendiente egon izana edota gauza batzuk espreski niretzat azaltzea… ikaskuntza intentsibo bat izan zen. Irakasle guztiek laguntzen zidaten eta beren animo eta atentzioak benetan ez du preziorik, batez ere nire Skills tutore Nagore azpimarratu nahiko nuke.
Monte Albertia gomendatuko zenuke? Zergatik?
Bai, benetan estetika edo ile-apainketa ikasi nahi baduzu, eskola egokia delako.
Monte Albertiako ibilbidearen zein bi gauza nabarmenduko zenituzke?
Harreman pertsonal berriak eta ikasitako guztia
5. ELKARRIZKETA
NAHIA ELIZALDE
ILE-APAINKETAKO ETA KOSMETIKAKO TEKNIKARIANola ikusi duzu zure burua Monte Albertian?
Oso ondo sentitu naiz. Bertako giroa oso sanoa da, lanean eta ikasten aritu naiz eta irakasleek beti eman didate aurrera egiteko indarra eta hori oso garrantzitsua izan da niretzat.
Zer eman dizu Monte Albertia zentroak?
Ez bakarrik ikaskuntza eta esperientzia praktikoan, baita arlo pertsonalean ere.
Zergatik aukeratu zenuen Monte Albertia ikasketa hauek egiteko?
Oso giro polita dagoelako.
Monte Albertia gomendatuko zenuke? Zergatik?
Bai, asko ikasiko duzulako.
Monte Albertiako ibilbidearen zein bi gauza nabarmenduko zenituzke?
Lagunak egin ditut, bai ikasleen artean eta baita irakasleen artean ere. Niretzat une garrantzitsuenetariko bat bezala, ikastetxeko orrazkera lehiaketako irabazlea izan nintzenean oroitzen dut.
ELKARRIZKETA LORE ILEAPAINDEGIA
LORENA PAREJA
ILE-APAINKETAKO ESTILISMOKO ETA ZUZENDARITZAKO GOI MAILAKO TEKNIKARIA (1ª PROMOZIOA 2013/14)Lorena Pareja (1994) deitzen naiz eta konfinamenduko asteetan nire ametsa egi bilakatu dut: nire enpresa propioa sortzea: LORE ILEAPAINDEGIA, Zarautzeko (Gipuzkoa) ZIGORDIA 33 Kalean kokatzen dena. Beraz, ibilbide hau ekintzaile bezala egin dudan lehena da, langilerik gabe eta ile-apaindegia aurrera ateratzeko gogo biziz. Batxilergoa egin ondoren, 2013-14 ikasturtean, Ile-apainketako Estilismoko eta Zuzendaritzako Goi Mailako Zikloko lehen promozioan parte hartu nuen.
ELKARRIZKETA MIMAI_BEGIRADEN DISEINUA
MIMAI_BEGIRADEN DISEINUA (Donostia)
ESTETIKA INTEGRAL ETA ONGIZATEKO GOI MAILAKO TEKNIKARIANoiz hartu zenuen zure enpresa sortzeko erabakia?
Monte Albertian Estetika Integraleko Goi Mailako Zikloa amaitu nuenean, Estetikako arlo askotako oinarrizko ezagutzak nituela ikusi nuen arren, nabarmentzeko arlo bat hobetu behar nuela konturatu nintzen. Begiradari dagokion guztian espezializatzea (bekainen eta betileen diseinu eta zaintza) esploratu gabeko eremua zela ohartu nintzen eta 2018ko abenduan, Donostian, nire zentroa irekitzea pentsatu nuen.
Martxan daramazun denboran, zer nabarmenduko zenuke?
Mimaik oso denbora gutxian izan duen hazkundea, Euskadin zentro aitortu bat bezala ezagun bilakatu izana. Begirada diseinatzeko zentro esklusibo gisa izan dugun jarrera nabarmenduko nuke.
Nola egiten diozu aurre etorkizunari egoera sozioekonomiko berri honetan? Aldaketaren bat aurreikusten duzu zentzu honetan?
Oraingoz, zenbait jarraibide eta eredu aldatu ditugu gure lan-protokoloan, eta higieneari eta esterilizazioari garrantzi handiagoa ematen diogu ere, bezeroen eta langileen segurtasunari lehentasuna emanez.
Non ikusten duzu zure burua edo nola gustatuko litzaizuke egoera izatea hemendik 5 urte barrura?
Lanerako gaitasun handiagoa duen Mimai bat izatea gustatuko litzaidake, estetikari eta edertasunari eskainitako zerbitzu gehiago eskaintzea eta nazio-mailan aintzatetsitako zentroan bilakatzea.
ELKARRIZKETA A-ZERO ILE-APAINDEGIA
A-ZERO ILE-APAINDEGIA
ILE-APAINKETAKO ZUZENDARITZAKO GOI MAILAKO TEKNIKARIANoiz hartu zenuen zure enpresa sortzeko erabakia?
Hemezortzi urterekin hasi nintzen irudiaren arloko lanbide-heziketa egiten, moda-diseinua ikasi bainuen Madrilgo IED-en. Ikasketak amaitzean, lan-munduan zerbait falta zitzaidala konturatu nintzen eta ilearen estetikari buruzko nire ezagutzak zabaltzea erabaki nuen, Monte Albertian ile-apainketako zuzendaritzako goi-mailako gradua egiten. Londreseko Toni and Guy-ko akademiara joan nintzenean hasi zen dena. Ikastaroa amaitu ondoren, Donostiako apaindegi batean hasi nintzen lanean (Milk-en zehazki). Apaindegi horretan lan egindako lau urteetan, ile-apaintzaile junior izatetik arduradun izatera pasa nintzen. Igoera horrek animatu nau lanean jarraitzen eta marka propioa sortzen. Horrela jaio zen A-Zero.
Martxan daramazun denbora honetan, zer nabarmenduko zenuke?
Uztailean bete genuen lehen urteurrena. Hazkunde-urtea izan da, oztopo handiak gaindituz, hala nola COVID 19ren ondorioz aldi baterako ixtea, langileak aldatzea… Ezer ez da erraza, baina lanarekin eta ilusioarekin aurrera jarraitzen dugu. Laburbilduz, ilusioak eta lanak negozio baten arrakastan eragiten duela baieztatu dezaket.
Nola egiten diozu aurre etorkizunari egoera sozioekonomiko berri honetan?
Sektore guztiak zipriztindu ditu egoera berri honek. Pertsonalki, gure bezeroek kanpoan izan garen aldian, faltan bota gaituztela eta gure buelta irrikaz hartu dute esan dezaket. Une honetan goi-denboraldian gaude (batez ere turismo-herrietan dauden apaindegiak) eta lan asko dago. Oso eskertuta nago, kontuan hartuta beste sektore batzuk gu baino askoz kolpatuagoak izaten ari direla.
Sartu duzu edo aurreikusten duzu aldaketaren bat egitea zentzu horretan?
Oraingoz, gure enpresa-politikari eusten diogu, ez baitugu ezer aldatu beharrik izan. Hala ere, larrialdiko “planen” bat dugu, beharrezkoa izanez gero.
Non ikusten duzu zure burua edo nola gustatuko litzaizuke egoera izatea hemendik 5 urte barrura?
Lehenik eta behin, oraintxe dudan osasun berarekin ikusi nahi nuke neure burua. Horrek lantaldearen eta enpresaren dimentsioa hobetzen eta handitzen lagunduko luke, agian apaindegi handiago batekin edo bat baina gehiagorekin.
ENTREVISTA PHOENIX NAIL CENTER
PHOENIX NAIL CENTER
ILE-APAINKETAKO ZUZENDARITZAKO GOI MAILAKO TEKNIKARIANoiz hartu zenuen zure enpresa sortzeko erabakia?
Estetikaren munduan hasi nintzenetik, beti izan dut neure lana egiteko nahai, banekien horretarako esperientzia eta ezagutza asko behar izango nuela; horrela hasi nintzen formazio ezberdinak egiten eta edertasun-zentro ezberdinetan lan egiten.
Baina ez nuen nire ametsa betetzeko aukerarik izan Monte Albertian Urratsbat-en hitzaldi bat jaso nuen egunera arte, Estetikako Goi-Mailako Graduaren lehen urtea egiten ari nintzela, egun horretan jakin nuen nire enpresa sortzearen ibilbidea hastear zegoela, baina argi neukan irmotasuna, iraunkortasuna eta indar handia izan beharko nuela hori lortzeko. Gainera, oraindik eta erronka handiagoa izan zen niretzat, lortu ez gero, Monte Albertiako Urratsbat-eko lehena bilakatuko nintzelako. Benetan nire bizitzako erronkarik handiena izan zen. Oso eskertuta nago Urratsbat proiektuko talde guztiarekin, hasieratik lagundu eta arrakasta lortzeko beharrekoa erakutsi zidatelako.
Martxan daramazun denbora honetan, zer nabarmenduko zenuke?
Nire esperientzia oso ona izan da; izan ere, ikastetxea irekitzean, estetizista gisa egin nuen ibilbideagatik ezagutzen ninduten bezero guztiak etorri dira eta horrek erreferentzia gisa balio izan zuen beste pertsona batzuek konfiantza eta segurtasun handiagoa senti zezaten.
Gaur egun bezero asko ditut, eta egunetik egunera nire enpresa gero eta sendoagoa da.
Nola egiten diozu aurre etorkizunari egoera sozioekonomiko berri honetan?
Munduak, gizarteak eta egoerak aldaketak eskatuko dizkigutela uste dut, eta horretarako prest egon behar dugu.
Egokitzapena. Nire zentron babes-neurriak jarri ditut Covid-19aren aurrean. Aurrerago beste zaharberritze-aldaketa batzuk egitea aurreikusi dut, gure zerbitzuen kalitatea eta beste edozein gertaeraren aurrean segurtasuna hobetzeko. Ziur nago gremioak ondo lan egiten jarraituko duela, baina argi dago epidemiak ekarritako segurtasun-neurri hauek geratzeko iritsi direla eta xehetasunez bete beharko ditugula, horren araberakoa izango baita gure lan-egonkortasuna.
Non ikusten duzu zure burua edo nola gustatuko litzaizuke egoera izatea hemendik 5 urte barrura?
Nire desio eta nahiak dira…
Garai horretarako, nire zentroak hainbesteko ospea izango du Phoenix azazkalen erreferente bilakatuko dela Urola Kostan. Nire ondoan lan-talde sendo bat izango dut, ni bezalako profesionalekin, azazkalen munduarekiko zaletasun handikoak eta kalitatezko zerbitzu ezin hobeak emango dituztenak.
Eta nola ez, agenda beteta izango dugu ordu, aste, hilabete eta urte guztietan…
MONTE ALBERTIAK, halaber, ZARAUTZEN OSTATUA EMATEKO gestioak errazteko aholkularitza zerbitzua eskaintzen die bertarakoei edota inguruko ikasleei. Ikastetxeak lankidetza-hitzarmen bat du EUSKO JAURLARITZAREKIN eta horri esker, gure ikasleek baldintza esklusiboetarako sarbidea dute hiriko ikasle-egoitza hainbatetan.
