Urratsbat sentsibilizazio-jardunaldia Lanbideko ikasleentzat

Urriaren 21ean, 2020-2021 ikasturterako Urratsbat Programaren jardueren barruan, Ekintzailetzaren Sentsibilizazio Jardunaldia egin zen Zarauzko Monte Albertia LHIIean.

Ikastetxeko Orientazio Taldeak Zerbitzu Estetikoak ziurtagiriko ikasleei, hezkuntza-eskaintzak proposatzen dizkien curriculum-ibilbideak eta irteera profesionalak azaldu zizkien.
Ondoren, Ikastetxeko Urratsbat Proiektuaren arduradunak Ekintzailetza Programa honen ezaugarriez hitz egin zien. Programa hau duela 20 urte baino gehiago sortu zen, Lanbide Heziketaren esparruan enpresak sortzeko prozesu bat garatu eta errazteko.

Urratsbat, 2015etik dago indarrean Monte Albrtian, eta ile-apainketa eta estetika sektoreko 16 enpresa sortu dira ordutik. Ideia ekintzaile bat garatzeko gogoa duten ikasle ohi guztiei eskaintzen zaie zerbitzu hau.