Milaneko irudi pertsonaleko enpresa ezberdinetan egingo dute Erasmus praktikaldia Monte Albertiako 10 ikaslek. Ikasle hauek ziklo desberdinetakoak dira, Estetika Integral eta Ongizatea, Ile-Apainketa eta -Kosmetika eta Irudi Pertsonalaren eta Korporatiboaren Aholkularitza zikloetakoak, alegia. Ilusio handiz ekin diote erronka berri honi. Zorte ona opa dizuegu!
Estetika eta Edergintza zikloko 2. mailako ikasleek azazkal artifizialetako azken joerei buruz ikasteko aukera izan dute, Elisa Rojas Artistic etxe komertzialeko teknikariaren eskutik. Tailerrean azazkalak eraikitzeko teknika aurreratuak landu dira, hala nola ballerinak, stilettoak, kapsularatzeak eta dekorazioak.
Beste behin ere, plazerra izan da estatu mailan horrelako ospea duen teknikaria gurean izatea.
Ongizate eta Termalismoko goi mailako teknikari tituluak ireki ditu bere ateak Monte Albertian, eta hasiak gara bide berria urratzen. Hasiera guztiek duten urduritasun eta kezkekin bada ere, motibazio handiarekin ari gara elkarlanean irakasle eta ikasle taldea.
Ongizatea da gure ortzi muga eta lurzorua termalismoa. Hori dela eta, salto egin dugu uretara eta murgil egin gorputz eta buru! Gustu, mimo eta ilusio bereziarekin ari gara saioak, lan erronkak nahiz ikas egoera baliagarriak diseinatzen eta aurrera eramaten: ingelesa, egokitzapen fisikoa uretan, masaje estetikoa edota mendekotasun egoeran dauden pertsonen behar eta premiak ezagutzen.
Gorputz hezkuntzako saioei esker erdi lo zeuden gorputz atalak esnatzen ari dira, eta pixkanaka gorputza, eta berarekin batera doan burua, indartzen eta trebatzen.
Hasi besterik ez da egin, baina bidaia aberatsa eta emankorra izango dela sentitzen dugu!
Hasi besterik ez da egin, baina bidaia aberatsa eta emankorra izango dela sentitzen dugu!
Zalantzarik al duzu? Ezagutu nahi gaituzu? Jarri gurekin harremanetan
Monte Albertiak Irudi Pertsonalerako Aholkularitzazerbitzu berria eskaintzen du.
Interesatuta bazaude jarri harremanetan 943899198 telefonoan.
Laburbilduz, Irudi Pertsonalaren Aholkularitza zerbitzu integrala da, pertsonei beren bertsiorik onena proiektatzen laguntzeko, bai eremu pertsonalean, bai profesionalean. Bezero bakoitzaren banakotasuna eta helburu pertsonalak kontuan hartuta, irudi-aholkulariek bezeroen autoestimua, konfiantza eta benetakotasuna sendotzen lan egiten dute, irudi pertsonal hobetuaren bidez.
Gustatzen zaizu zure estiloa aldatzeko ideia?
Interesatuta bazaude jarri harremanetan 943899198 telefonoan.
Interesatuta bazaude jarri harremanetan 943899198 telefonoan.
Zure zain gaude!
Zalantzarik al duzu? Ezagutu nahi gaituzu? Jarri gurekin harremanetan
Aste honetan Monte Albertia LHII-ko ileapainketako irakasle talde bat Portugalen egon da. Bertan, Viana do Casteloko ETAP ikastetxea ezagutu dute, eta ileapainketako irakasle taldearekin lanean aritu dira etorkizunean elkarrekin proiektu desberdinak burutzeko.
Portugaleko ikastalde batekin ilearen diagnostiko protokoloak burutu dituzte tailerretan.
Ikastetxean erabiltzen duten irakaskuntza metodologia erronketan oinarritzen den ETHAZI metodologia da, eta ikuspuntu desberdinak bateratu dituzte.
Bestade, Caminha-ko eta Viana do Castelo-ko bi ileapaindegi bisitatu dituzte eta sektoreko puntako tekniken berri jakin dute.
Oso probetxugarria izan da. Alde batetik, irakasleek profesionalki gaitasun desberdinen transferentzia partekatu dutelako. Eta bestetik, bertako kultura eta hezkuntza sistema ezagutu dutelako.
Azkenik, Monte Albertia eta ETAP ikastetxearen arteko harremanak sendotzeko balio izan digu.
Maiatzean, Gipuzkoako Lanbide Heziketako Agenda 30eko Koordinazio Bilera egin genuen Monte Albertian. Bertan, lanean aritu ginen Gipuzkoako ikastetxe ezberdinetako A30eko arduradunak Ingurugelako Edurne Ugarterekin batera. LHA30eko proiektuari bukaera emateko azken pausuak landu genituen eta oso aberasgarri izan zen ikastetxe bakoitzeko esperientzi eta proiektuak partekatzea. Giro ederrean pasatu genuen goiza, eskerrik asko bertaratu zineten guztiei!!
Aste honetan, Monte Albertia LHII-ko Goi mailako sei ikasle itzuli dira ERASMUS+ proiektuak burututa. Ikasle bakoitzak hiru hilabete igaro ditu atzerrian.
“Estetika eta Ongizateko” lau ikasle Pragan izan dira. Aldiz, “Irudi pertsonalaren eta korporatiboaren aholkularitza”ko goi-mailako bi teknikari eta “Estetika eta edergintza”ko teknikari bat Milanen izan dira.
Esperientzia honek asko aberastu ditu hainbat esparrutan. Batetik, beste herrialde batean bizitzeko aukera eman die. Ez hori bakarrik, beste hizkuntza batean trebatu beharra ere bai. Azkenik, bertako enpresetako teknika berri eta aurreratuak ezagutu dituzte.
Zorionak denoi! Ziur gaude esperientzia hau ahaztezina izango dela zuen bizitzetan. Eta etorkizunean praktika profesionalerako balioko dizuetela!
Zalantzarik al duzu? Ezagutu nahi gaituzu? Jarri gurekin harremanetan
Irakasle talde bat elkartu ginen gure irakasle eta bertsolaritzan aditua den Joxin Iturriotzen hitzaldiaz gozatzeko.
Oso gustura izan ginen, eta bertsolaritzaren beste ikuspegi batetaz jabetzeko aukera izan genuen.
Ea datorren ikasturterako jarraipena eman ahal diogun.
Aste honetan Monte Albertia LHII-ko erdi mailako sei ikasle itzuli dira ERASMUS+ proiektuak burutu ondoren. Italiako bi hirietan igaro dituzte 45 egun. Ileapainketako ikasleek Florentziako ileapainketetan egin dituzte praktikak, eta estetikakoek berriz, Milaneko estetika zentru batean.
Esperientzia honek beste herrialde batean bizitzeko aukera eman die ikasleei eta beste hizkuntza bat ikasteaz gain, beste hiri eta herrialdetako jendea ezagutu, eta hango enpresetako teknika berriak eta aurreratuak ezagutu dituzte.
Zorionak denoi! Ziur gaude esperientzia hau ahaztezina izango dela zuen bizitzetan. Eta etorkizunean praktika profesionalerako balioko dizuela!
Zalantzarik al duzu? Ezagutu nahi gaituzu? Jarri gurekin harremanetan
Maiatzaren 17an, LGTBIQ+fobiaren aurkako nazioarteko egunarekin bat eginez, Monte Albertian, eskualdeko gainerako ikastetxeetan bezala, aurten landuko den gaia familia-eredu anitzei buruzkoa da.
Egungo gizartean,familia anitzak ditugu.Familia-eredu bat bera ere ez da bestea baino hobea. Garrantzitsuena da beren seme-alabentzako familia-giro eta hezkuntza-estilo egokia sustatzea, afektuan, errespetuan eta ulermenean oinarrituta.
Zalantzarik al duzu? Ezagutu nahi gaituzu? Jarri gurekin harremanetan
